O Pleno desta Corporación, na sesión ordinaria do 21 de decembro de 2012, adoptou, entre outros, o seguinte acordo:

«55. Aceptación da ampliación da delegación de competencias en materia tributaria do Concello de Cariño, xestión, inspección e recadación voluntaria e executiva do imposto sobre vehículos de tracción mecánica (IVTM) ou imposto municipal que o complemente ou substitúa no futuro.

Aceptar a ampliación das competencias delegadas en materia tributaria acordada polo Concello de Cariño en relación coa seguinte materia:

• Xestión, inspección e recadación voluntaria e executiva do imposto sobre vehículos de tracción mecánica (IVTM) ou imposto municipal que o complemente ou substitúa no futuro.

O exercicio das competencias delegadas obxecto de aceptación levarase a cabo nos termos establecidos nas bases para a prestación dos servizos tributarios aos concellos da provincia e terá efectos desde o día en que se publique este acordo no Boletín Oficial da provincia conforme o establecido no artigo 7 do texto refundido da Lei reguladora das facendas locais, aprobado polo Real decreto lexislativo 2/2004, do 5 de marzo».

O que se fai público para xeral coñecemento.

A Coruña, 14 de febreiro de 2013

María Padín Fernández José Luis Almau Supervía
O presidente/PDFR 5.8.2011/ Secretario da Deputación
A vicepresidenta Provincial da Coruña