A Orde do 2 de agosto de 2013 (DOG núm. 152, do 9 de agosto) establece as bases polas que se rexerá a concesión das axudas de apoio á etapa predoutoral, no marco do Plan galego de investigación, innovación e crecemento 2011-2015 (Plan I2C) para o ano 2013, en réxime de concorrencia competitiva.
No artigo 2 da orde de convocatoria determínanse os requisitos que deben cumprir as persoas candidatas ás axudas correspondentes ao Programa de apoio á etapa predoutoral.
De acordo co establecido no artigo 5 desta convocatoria, despois de estudadas as solicitudes publicáronse as listaxes provisionais de solicitudes admitidas e excluídas e as persoas interesadas tiveron un prazo de dez días naturais para formularen reclamacións e para emendaren erros e falta de documentos ante a Secretaría Xeral de Universidades. Unha vez que se recibiu e se examinou esta documentación, publicouse a listaxe definitiva de solicitudes admitidas e excluídas.
As solicitudes admitidas foron estudadas pola comisión de selección definida no artigo 6 da propia orde de convocatoria.
En consecuencia, de acordo co establecido no artigo 7 das bases da convocatoria, e atendendo á proposta de concesión elevada pola citada comisión de selección, na súa reunión do 7 de novembro de 2013, a través da Secretaría Xeral de Universidades,
RESOLVO:
Primeiro. Conceder as axudas de apoio á etapa predoutoral para o ano 2013 ás universidades do SUG que contraten os/as candidatos/as seleccionados/as para unha praza do Programa de apoio á etapa predoutoral que se relacionan no anexo I.
Segundo. Establecer unha lista de espera en cada modalidade, que se inclúe como anexo II, para determinar posibles substitucións, segundo os criterios recollidos no artigo 6.f). Nesta listaxe figuran por orde decrecente de puntuación, no mesmo número que o de axudas concedidas, excepto na modalidade B, en que só hai 7 solicitudes admitidas que non foron adxudicadas, as persoas que non foron seleccionadas por teren unha puntuación inferior á do/a último/a candidato/a seleccionado/a ou pola aplicación do disposto nos artigos 3 e 6 da convocatoria.
Terceiro. Todas as solicitudes que figuran nos anexos I e II desta resolución cumpren os requisitos establecidos nas bases da convocatoria. Así mesmo, as solicitudes que non figuran relacionadas nos citados anexos entenderanse denegadas ou desestimadas.
Cuarto. As 94 axudas predoutorais concedidas financiaranse con cargo aos orzamentos xerais da Comunidade Autónoma de Galicia para o ano 2013 e anos sucesivos, de acordo coa seguinte distribución segundo a estrutura de pagamentos recollida no artigo 9 da bases da convocatoria.
– Modalidade A: 70 axudas financiadas ao 100 % pola Consellería de Cultura, Educación e Ordenación Universitaria.
|
Aplicación orzamentaria |
Universidade |
Nº axudas |
2013 |
2014 |
2015 |
2016 |
2017 |
Total |
|
09.40.561B.4444 |
UDC |
11 |
5.500,00 |
191.583,33 |
214.500,00 |
214.500,00 |
17.416,67 |
643.500,00 |
|
09.40.561B.4444 |
USC |
43 |
21.500,00 |
748.916,67 |
838.500,00 |
838.500,00 |
68.083,33 |
2.515.500,00 |
|
09.40.561B.4444 |
UVIGO |
16 |
8.000,00 |
278.666,67 |
312.000,00 |
312.000,00 |
25.333,33 |
936.000,00 |
|
Total |
70 |
35.000,00 |
1.219.166,67 |
1.365.000,00 |
1.365.000,00 |
110.833,33 |
4.095.000,00 |
|
– Modalidade B: 12 axudas financiadas ata nun 80 % pola Consellería de Cultura, Educación e Ordenación Universitaria.
|
Aplicación orzamentaria |
Universidade |
Nº axudas |
2013 |
2014 |
2015 |
2016 |
2017 |
Total |
|
09.40.561B.4444 |
USC |
3 |
1.500,00 |
48.400,00 |
54.300,00 |
54.300,00 |
4.400,00 |
162.900,00 |
|
09.40.561B.4444 |
UVIGO |
9 |
4.500,00 |
145.200,00 |
162.900,00 |
162.900,00 |
13.200,00 |
488.700,00 |
|
Total |
12 |
6.000,00 |
193.600,00 |
217.200,00 |
217.200,00 |
17.600,00 |
651.600,00 |
|
– Modalidade C: 12 axudas financiadas ata nun 80 % pola Consellería de Cultura, Educación e Ordenación Universitaria.
|
Aplicación orzamentaria |
Universidade |
Nº axudas |
2013 |
2014 |
2015 |
2016 |
2017 |
Total |
|
09.40.561B.4444 |
USC |
12 |
6.000,00 |
193.600,00 |
217.200,00 |
217.200,00 |
17.600,00 |
651.600,00 |
|
Total |
12 |
6.000,00 |
193.600,00 |
217.200,00 |
217.200,00 |
17.600,00 |
651.600,00 |
|
Quinto. As axudas concedidas serán financiables polo FSE, no eixo 3, tema prioritario 74, no marco do Programa operativo FSE Galicia 2007-2013, nunha porcentaxe máxima do 80 %. Por iso, as universidades beneficiarias das axudas e os/as solicitantes contratados/as deberán cumprir as normas recollidas no Regulamento (CE) 1828/2006 da Comisión, do 8 de decembro, polo que se fixan normas de desenvolvemento para o Regulamento (CE) 1083/2006 do Consello, polo que se establecen as disposicións xerais relativas ao Feder, ao FSE e ao Fondo de Cohesión; no Regulamento (CE) 1081/2006 do Parlamento Europeo e do Consello, do 5 de xullo, relativo ao FSE e polo que se derroga o Regulamento (CE) 1748/1999; as normas de información e publicidade dos fondos contidos no Regulamento 1828/2006 da Comisión, do 8 de decembro (L 371/1, DOUE do 27 de decembro), e no resto de normativa que resulte de aplicación.
O complemento de 500 € anuais que se recolle no artigo 3 da orde de convocatoria non é un custo subvencionable no marco do FSE, por canto non se trata dun custo directamente derivado da contratación do persoal investigador senón do financiamento de gasto en que incorren as universidades beneficiarias para a correcta tramitación do programa.
Sexto. Xunto coa primeira xustificación, a entidade beneficiaria das axudas remitirá unha declaración responsable de que se mantén unha separación contable adecuada ou un código contable axeitado para os gastos cofinanciados polo FSE, tal como se recolle no artigo 60 do Regulamento (CE) 1083/2006, que regula as funcións da autoridade de xestión.
Sétimo. O artigo 9 da orde de convocatoria establece que as universidades serán as encargadas do pagamento dos correspondentes contratos, así como da presentación da xustificación ante a Secretaría Xeral de Universidades para o libramento das axudas.
Segundo o establecido no artigo 45.2 do Decreto 11/2009, do 8 de xaneiro, polo que se aproba o Regulamento da Lei 9/2007, do 13 de xuño, de subvencións de Galicia, transcorrido o prazo establecido de xustificación sen que se presentase esta ante o órgano administrativo competente, este requirirá o beneficiario para que, no prazo improrrogable de dez días, a presente. A falta de presentación da xustificación comportará a perda do dereito ao cobramento parcial ou total da subvención, a exixencia do reintegro e demais responsabilidades establecidas na Lei de subvencións de Galicia.
Oitavo. No artigo 10 da orde de convocatoria establécese o réxime de incompatibilidades, polo que non se poden percibir outras axudas ou subvencións que teñan a mesma finalidade ou realizar outro traballo remunerado. Para o control deste aspecto, ademais das declaracións responsables doutras axudas, é necesario achegar unha copia do informe da vida laboral das persoas contratadas para cada anualidade, é dicir, na prórroga do correspondente contrato, así como á súa finalización.
Enténdese a mesma obriga para aqueles que renuncian ao seu contrato antes de finalizar o programa. Neste caso, a citada documentación presentarase transcorrido un mes desde a súa renuncia, xunto cun informe da universidade beneficiaria indicando se a persoa contratada desenvolveu durante a súa permanencia unha actividade satisfactoria que permitise o seu perfeccionamento e especialización profesional durante a permanencia no programa.
Noveno. Contra esta resolución, que esgota a vía administrativa, os/as interesados/as poderán interpoñer recurso potestativo de reposición ante o conselleiro de Cultura, Educación e Ordenación Universitaria no prazo dun mes a partir do día seguinte ao da publicación da resolución no Diario Oficial de Galicia, segundo o disposto nos artigos 116 e 117 da Lei 30/1992, do 26 de novembro, de réxime xurídico das administracións públicas e do procedemento administrativo común, ou directamente recurso contencioso-administrativo no prazo de dous meses ante a Sala do Contencioso-Administrativo do Tribunal Superior de Xustiza de Galicia, de conformidade cos artigos 19 e 46 da Lei 29/1998, do 13 de xullo, da xurisdición contencioso-administrativa.
Santiago de Compostela, 13 de novembro de 2013
Jesús Vázquez Abad
Conselleiro de Cultura, Educación e Ordenación Universitaria
