De conformidade co disposto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, notifícase mediante a publicación no Diario Oficial de Galicia e exposición no taboleiro de edictos do Concello do Grove a Fabricio Fernández Aguin, con DNI 76868085, en tanto que propietario do vehículo marca Opel, modelo Vectra, con matrícula 3145-CRT, o seguinte requirimento:

Segundo acta do 9.5.2013 levantada polo celador gardapeiraos responsable do porto do Grove, acompañada de fotografías, na zona portuaria do Grove atópase desde hai tempo, en concreto un mes, o vehículo con matrícula 3145-CRT, de cor negra, marca Opel, modelo Vectra, en claro estado de abandono, facéndose mención concreta da existencia dunha roda picada, estragos na carrozaría e o interior cheo de residuos.

Efectuada consulta coa Policía Local do Grove, o celador gardapeiraos informa o 28 de xuño de 2013 que o vehículo non pasou a última ITV e que se atopa sen seguro obrigatorio desde o 6 de febreiro de 2013.

Considerando o exposto, e dado que na zona onde se atopa o vehículo a entidade pública Portos de Galicia é a Administración competente en materia de xestión de tráfico, de conformidade co disposto no artigo 86.1 do Real decreto lexislativo 339/1990, do 2 de marzo, que aproba o texto articulado da Lei sobre tráfico, circulación de vehículos de motor e seguridade viaria, requírese o titular para que, nun prazo máximo dun mes contado desde a publicación da presente cédula no Diario oficial de Galicia ou exposición no taboleiro de edictos do Concello do Grove, proceda a retirar o vehículo da zona de servizo do porto do Grove.

No caso de incumprirse o presente requirimento, Portos de Galicia, sen mais trámites, daralle ao vehículo tratamento de residuo e procederá, en consecuencia, ao seu traslado a centro autorizado de tratamento de vehículos para a súa posterior destrución e descontaminación.

O anterior enténdese sen prexuízo das sancións administrativas que procedan en dereito.

Para o seu exame, o expediente completo atópase nas dependencias dos servizos centrais de Portos de Galicia en Área Central, praza de Europa, 5-A, 6º, 15707 Santiago de Compostela.

E para que conste e lle sirva de notificación, e en cumprimento do disposto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, expido, asino e selo a presente cédula.

Santiago de Compostela, 10 de marzo de 2014

José Ignacio Villar García
Director de Portos de Galicia