No Boletín Oficial da provincia nº 68 do 8 de abril de 2014 publicáronse as bases xerais e específicas de varios procesos selectivos convocados para cubrir as seguintes prazas vacantes no cadro de persoal funcionario da Deputación de Pontevedra, incluídas en diversas ofertas de emprego público:

– Unha praza de arquiveiro bibliotecario, encadrada na escala de Administración especial, subescala técnica, clase superior e integrada no grupo A1, mediante o sistema de concurso-oposición, por quenda libre.

– Unha praza de técnico medio cartoteca, encadrada na escala de Administración especial, subescala técnica, clase técnico medio e integrada no grupo A2, mediante o sistema de concurso-oposición, por quenda libre.

– Unha praza de auxiliar de prevención, encadrada na escala de Administración especial, subescala servizos especiais, clase funcións especiais, e integrada no grupo C2, mediante o sistema de concurso-oposición, por quenda libre.

– Unha praza de auxiliar de servizos contenciosos, encadrada na escala de Administración especial, subescala servizos especiais, clase funcións especiais, e integrada no grupo C2, mediante o sistema de concurso-oposición, por quenda libre.

A presentación de solicitudes poderá efectuarse ben no Rexistro Xeral da Deputación de Pontevedra, ben en calquera das formas establecidas no artigo 38.4 da Lei 30/1992, do 26 de novembro, no prazo de vinte días naturais contados a partir do seguinte ao da publicación no Boletín Oficial del Estado (BOE).

Pontevedra, 16 de abril de 2014

Begoña Estévez Bernárdez
Deputada delegada