Mediante Resolución da Alcaldía do día 20 de xuño de 2014 aprobouse o expediente de contratación seguinte:

1. Entidade adxudicadora.

a) Organismo: Concello de Meis.

b) Dependencia que tramita o expediente: Secretaría.

2. Obxecto do contrato.

a) Tipo de contrato: de servizos.

b) Descrición do obxecto: limpeza de edificios e instalacións municipais.

c) Duración do contrato: un ano, con posibilidade dunha prórroga.

3. Modalidade de adxudicación.

Procedemento aberto, con varios criterios de adxudicación, tramitación ordinaria.

4. Tipo de licitación.

68.894,11 euros e 14.467,76 € de IVE.

Valor estimado do contrato: 166.723,74 € e 28.935,552 € de IVE.

5. Clasificación do contratista.

Grupo U, subgrupo 01, categoría a.

6. Garantías.

Provisoria: non se exixe.

Definitiva: 5 % do importe da adxudicación.

7. Exame do expediente.

Os licitadores poderán examinar o expediente, na Secretaría Xeral do concello, de luns a venres, das 9.00 ás 14.00 horas, excepto festivos, e ata o día anterior ao do remate do prazo de presentación de proposicións.

8. Presentación de proposicións.

As proposicións presentaranse no Rexistro Xeral deste concello, de luns a venres, das 9.00 ás 14.00 horas, e os sábados das 10.00 ás 13.00 horas, durante o prazo de quince (15) días naturais contados desde o día seguinte ao da publicación do último anuncio no BOP e no DOG. Se o último día de presentación de ofertas for inhábil, prorrogarase ata o día hábil seguinte.

9. Apertura de proposicións.

Ás 12.00 horas do quinto día hábil seguinte ao da finalización do prazo de presentación de ofertas a mesa de contratación procederá, en acto público, á apertura das propostas técnicas presentadas (sobres B). Para estes efectos, se tal día for sábado, o acto terá lugar o día hábil seguinte. Posteriormente, na data que se comunique vía telemática ou mediante fax, procederase en acto público á apertura das propostas económicas (sobres C) .

10. Obtención de documentación e información.

Concello de Meis. Avenida de Cambados, 67, O Mosteiro (36637).

Páxina web: www.meis.es

Teléfonos: 986 71 20 01, fax: 986 71 53 00.

11. Criterios de adxudicación.

Criterios cuxa ponderación depende dun xuízo de valor:

a) Memoria organizativa: 10 puntos.

b) Control de calidade do servizo: 10 puntos.

c) Utilización de medios técnicos e humanos na prestación do servizo: 30 puntos.

Criterios cuantificables automaticamente:

Prezo ofertado, ata un máximo de 50 puntos.

12. Gastos de publicidade.

Serán por conta do contratista adxudicatario.

Meis, 23 de xuño de 2014

José Luis Pérez Estévez
Alcalde