O centro privado Fesán, do concello de Santiago de Compostela, solicita o cambio de domicilio por traslado de instalacións da rúa Severino Riveiro Tomé, nº 9, baixo á rúa Amio, nº 114, Parque Empresarial Costa Vella, de Santiago de Compostela; a supresión do ciclo formativo de grao medio (CM) de Atención a Persoas en Situación de Dependencia e a autorización para impartir o CM de Coidados Auxiliares de Enfermaría, o ciclo formativo de grao superior (CS) Anatomía Patolóxica e Citoloxía, o CS Laboratorio de Diagnóstico Clínico e o CS Imaxe para o Diagnóstico.

Logo da tramitación do expediente de acordo co establecido no Decreto 133/1995, do 10 de maio, de autorización de centros docentes privados para impartir ensinanzas de réxime xeral non universitarias e coa Orde do 20 de setembro de 1995 que o desenvolve, por proposta da Dirección Xeral de Centros e Recursos Humanos,

DISPOÑO:

Primeiro

1. Autorizar o cambio de domicilio por traslado de instalacións, a supresión do CM Atención a Persoas en Situación de Dependencia e a implantación do CM Coidados Auxiliares de Enfermaría, CS Anatomía Patolóxica e Citoloxía, CS Laboratorio de Diagnóstico Clínico e do CS Imaxe para o Diagnóstico, quedando o centro configurado como se sinala a seguir:

Denominación xenérica: centro privado.

Denominación específica: Fesán.

Código do centro: 15032364.

Domicilio: rúa de Amio, nº 114, Parque Empresarial Costa Vella.

Código postal: 15707.

Localidade: Santiago de Compostela.

Concello: Santiago de Compostela.

Provincia: A Coruña.

Titular: Fundación de Estudios e Análises (Fesán).

2. Composición resultante:

• 1 CM Coidados Auxiliares de Enfermaría (1 unidade para 20 alumnos/as).

• 1 CS Animación Sociocultural (1 unidade para 20 alumnos/as).

• 1 CS Anatomía Patolóxica e Citoloxía (2 unidades para 20 alumnos/as unidade).

• 1 CS Educación Infantil (2 unidades para 30 alumnos/as unidade).

• 1 CS Imaxe para o Diagnóstico (2 unidades para 20 alumnos/as unidade).

• 1 CS Laboratorio de Diagnóstico Clínico (2 unidades para 20 alumnos/as unidade).

Segundo. Para a posta en funcionamento das ensinanzas que se autorizan, a Xefatura Territorial da Consellería de Cultura, Educación e Ordenación Universitaria da Coruña, logo do informe do Servizo Territorial de Inspección Educativa, aprobará expresamente a relación de persoal que impartirá docencia no devandito centro, así como o equipamento axeitado

Terceiro. Esta orde dará lugar á correspondente inscrición no Rexistro de Centros da Comunidade Autónoma de Galicia.

Cuarto. O centro queda obrigado ao cumprimento da normativa vixente e a solicitar a oportuna revisión cando teña que modificarse calquera dos datos que se sinalan nesta orde.

Contra esta orde, que esgota a vía administrativa, as persoas interesadas poderán formular recurso potestativo de reposición ante esta consellería, no prazo dun mes, contado a partir do día seguinte ao da súa publicación no Diario Oficial de Galicia, segundo o disposto nos artigos 116 e 117 da Lei 30/1992, do 26 de novembro, de réxime xurídico das administracións públicas e do procedemento administrativo común ou ben, directamente, recurso contencioso-administrativo no prazo de dous meses desde a mesma data, ante a Sala do Contencioso-Administrativo do Tribunal Superior de Xustiza de Galicia, de conformidade co artigo 46 da Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 31 de xullo de 2014

Jesús Vázquez Abad
Conselleiro de Cultura, Educación e Ordenación Universitaria