A Orde do 5 de xullo de 2013 (DOG do 15 de xullo) estableceu as bases e convocou, en réxime de concorrencia competitiva, as axudas para a consolidación e estruturación de unidades de investigación competitivas do Sistema universitario de Galicia para 2013, potencialmente cofinanciadas polo Fondo Europeo de Desenvolvemento Rexional (Feder) no marco do programa operativo de Galicia 2007-2013. Estas axudas foron resoltas mediante Resolución do 16 de outubro de 2013 (DOG do 25 outubro).

A devandita convocatoria recollía a posibilidade de que as anualidades sucesivas foran cofinanciadas polo Feder do programa operativo 2007-2013. O orzamento da Secretaría Xeral de Universidades para 2014 inclúe un importe de fondos Feder que debe ser consumido neste exercicio, para rematar o programa operativo 2007-2013. O mellor xeito de dar uso a ese remanente é utilizalo para cofinanciar a anualidade dos grupos de referencia competitiva en 2014 desa mesma convocatoria.

Por iso, a Secretaría Xeral de Universidades

RESOLVE:

Primeiro. Facer pública a lista dos grupos de referencia competitiva do Sistema universitario de Galicia perceptores das axudas para a consolidación e a estruturación de unidades de investigación competitivas do Sistema universitario de Galicia do ano 2013, en réxime de concorrencia competitiva, coa indicación da parte do importe das segundas anualidades que se financian co Fondo Europeo de Desenvolvemento Rexional (Feder) 2007-2013, tema prioritario 1.01.

Exped.	Solicitante	Univ.	Fondos propios 2014	Feder 2014	Total 2014
GRC2013-011	Benlliure Anaya, José	USC	21.600,00	58.400,00	80.000,00
GRC2013-014	Bermúdez de Castro López-Varela, Alfredo	USC	21.600,00	58.400,00	80.000,00
GRC2013-016	Botana López, Luis Miguel	USC	27.000,00	73.000,00	100.000,00
GRC2013-046	Brea López, Mª Mercedes	USC	13.500,00	36.500,00	50.000,00
GRC2013-018	Caride Gómez, Antonio	USC	13.500,00	36.500,00	50.000,00
GRC2013-019	Carracedo Álvarez, Ángel María	USC	27.000,00	73.000,00	100.000,00
GRC2013-061	Castro Beiras, Alfonso	UDC	13.500,00	36.500,00	50.000,00
GRC2013-020	Cela Torrijos, Rafael	USC	13.500,00	36.500,00	50.000,00
GRC2013-029	Diéguez González, Carlos	USC	27.000,00	73.000,00	100.000,00
GRC2013-055	Doallo Biempica, Ramón	UDC	21.600,00	58.400,00	80.000,00
GRC2013-050	Duro Fernández, Richard	UDC	27.000,00	73.000,00	100.000,00
GRC2013-034	Fernández Prieto, Lourenzo	USC	13.500,00	36.500,00	50.000,00
GRC2013-059	Freire Seoane, Mª Jesús	UDC	13.500,00	36.500,00	50.000,00
GRC2013-045	García Río, Eduardo	USC	13.500,00	36.500,00	50.000,00
GRC2013-001	Gómez Gesteira, Ramón	UVIGO	13.500,00	36.500,00	50.000,00
GRC2013-008	González Fernández, Pío Manuel	UVIGO	13.500,00	36.500,00	50.000,00
GRC2013-035	González Manteiga, Wenceslao	USC	18.900,00	51.100,00	70.000,00
GRC2013-056	Hernández Ibáñez, Santiago	UDC	18.900,00	51.100,00	70.000,00
GRC2013-032	Lema Rodicio, Juan Manuel	USC	27.000,00	73.000,00	100.000,00
GRC2013-006	Llamas Nistal, Martín	UVIGO	27.000,00	73.000,00	100.000,00
GRC2013-044	López Quintela, Manuel Arturo	USC	27.000,00	73.000,00	100.000,00
GRC2013-041	Mascareñas Cid, José Luis	USC	27.000,00	73.000,00	100.000,00
GRC2013-024	Miramontes Anta, José Luis	USC	27.000,00	73.000,00	100.000,00
GRC2013-036	Monterroso Montero, Juan Manuel	USC	13.500,00	36.500,00	50.000,00
GRC2013-004	Olabarría Uzquiano, Celia	UVIGO	18.900,00	51.100,00	70.000,00
GRC2013-009	Pérez González, Fernando	UVIGO	27.000,00	73.000,00	100.000,00
GRC2013-047	Prada Rodríguez, Darío	UDC	27.000,00	73.000,00	100.000,00
GRC2013-053	Rodríguez Brisaboa, Mª Nieves	UDC	27.000,00	73.000,00	100.000,00
GRC2013-007	Rodríguez de Lera, Ángel	UVIGO	18.900,00	51.100,00	70.000,00
GRC2013-003	Sanromán Braga, Mª Ángeles	UVIGO	18.900,00	51.100,00	70.000,00
GRC2013-042	Santos Rego, Miguel Anxo	USC	13.500,00	36.500,00	50.000,00
GRC2013-040	Sousa Fernández, Xulio César	USC	18.900,00	51.100,00	70.000,00
GRC2013-054	Tato Fontaíña, Laura	UDC	13.500,00	36.500,00	50.000,00
GRC2013-043	Torres López, Mª Dolores Ramona	USC	27.000,00	73.000,00	100.000,00

Segundo. Para poder proceder ao libramento dos fondos será preciso que a universidade correspondente expida, na data límite do 30 de novembro do exercicio correspondente á anualidade de que se trate, a certificación expresiva da realización do gasto e do pagamento acompañada dunha memoria explicativa do logro dos obxectivos de consolidación e estruturación do grupo. Ademais, por ter cofinanciamento do Feder, a universidade correspondente deberá presentar nesa mesma data límite os documentos xustificativos dos gastos e dos pagamentos, ou un informe de auditoría de acordo co establecido no artigo 60 do Regulamento 1083/2006 (CE), asinado por un auditor do Rexistro Oficial de Auditores de Contas. Este informe deberá certificar tanto a regularidade da solicitude do beneficiario como describir o labor desenvolvido e os resultados.

En caso de cofinanciamento do Feder, tamén se deberá presentar unha relación das publicacións, actos e reunións en que se fixese publicidade do devandito cofinanciamento.

En cumprimento da normativa relativa ao Fondo Europeo de Desenvolvemento Rexional, as universidades deberán manter unha separación contable adecuada para os gastos relacionados coa axuda que facilite a «pista de auditoría». Ademais, deberán conservar a documentación por un período de tres anos a partir do peche do programa operativo, tal como se define no artigo 89.3 do Regulamento 1083/2006, do Consello. Os gastos deberán xustificarse con facturas ou documentos contables de valor probatorio equivalente e os pagamentos cos xustificantes das transferencias bancarias ou documentos acreditativos dos pagamentos realizados.

Segundo o establecido no artigo 45.2 do Decreto 11/2009, do 8 de xaneiro, polo que se aproba o Regulamento da Lei 9/2007, do 13 de xuño, de subvencións de Galicia, transcorrido o prazo establecido de xustificación sen se ter presentado perante o órgano administrativo competente, este requirirá o beneficiario para que no prazo improrrogable de dez (10) días a presente. A falta de presentación da xustificación comportará a perda do dereito ao cobramento parcial ou total da subvención, a exixencia do reintegro e demais responsabilidades establecidas na Lei de subvencións de Galicia.

Para efectuar o último pagamento, o beneficiario presentará unha declaración complementaria do conxunto das axudas solicitadas, tanto aprobadas ou concedidas como as pendentes de resolución, para o mesmo proxecto das distintas administracións públicas competentes ou dos seus organismos, entes ou sociedades.

Terceiro. O incumprimento por parte dos beneficiarios de calquera das bases establecidas na orde da convocatoria suporá a perda do dereito a percibir a axuda correspondente.

Cuarto. Dado que os pagamentos das anualidades se realizan co cofinanciamento do Fondo Europeo de Desenvolvemento Rexional (Feder) 2007-2013, os beneficiarios das axudas deberán cumprir os requisitos de publicidade que establece o artigo 8 do Regulamento 1828/2006, do 8 de decembro, cumprir tamén o establecido no Regulamento 1083/2006, polo que se que establecen as disposicións xerais relativas ao Fondo Europeo de Desenvolvemento Rexional, ao Fondo Social Europeo e ao Fondo de Cohesión, e no Regulamento 1080/2006 relativo ao Fondo Europeo de Desenvolvemento Rexional, así como cumprir os requisitos de xustificación que estableza esa mesma normativa.

Quinto. Contra esta resolución que esgota a vía administrativa, os interesados poderán interpoñer recurso potestativo de reposición ante o conselleiro de Cultura, Educación e Ordenación Universitaria no prazo dun mes a partir do día seguinte ao da publicación da resolución no Diario Oficial de Galicia, segundo o disposto nos artigos 116 e 117 da Lei 30/1992, do 26 de novembro, de réxime xurídico das administracións públicas e do procedemento administrativo común, ou ben directamente recurso contencioso-administrativo no prazo de dous meses perante a Sala do Contencioso-Administrativo do Tribunal Superior de Xustiza de Galicia, de conformidade cos artigos 19 e 46 da Lei 29/1998, do 13 de xullo, da xurisdición contencioso-administrativa.

Disposición derradeira

Esta resolución entrará en vigor o mesmo día da súa publicación no Diario Oficial de Galicia.

Santiago de Compostela, 17 de setembro de 2014

José Alberto Díez de Castro
Secretario xeral de Universidades