Ana Rodríguez Puga, secretaria xudicial do Xulgado de Primeira Instancia e Instrución número 1 de Viveiro, fai saber que no presente procedemento de xuízo verbal, seguido por instancia de María de los Ángeles Sánchez Cabo fronte á comunidade de propietarios da Urbanización Río Cobo, bloque 2, Cervo, se ditou sentenza, cuxo teor literal é o seguinte:
«Sentenza: 164/2013
Xuíz: Pablo Muñoz Vázquez
Lugar: Viveiro
Data: 27 de novembro de 2013
Demandante: María Ángeles Sánchez Cabo
Procurador: Constantino Prieto Vázquez
Avogado: César Ares García
Demandado: comunidade de propietarios da Urbanización Río Cobo, bloque 2, de Cervo
Tipo de procedemento: xuízo verbal nº 767/2010
Resolución.
Que debo estimar e estimo integramente a demanda interposta polo procurador dos tribunais Constantino Prieto Vázquez, en nome e representación de María Ángeles Sánchez Cabo e, por conseguinte, debo condenar e condeno a comunidade de propietarios da Urbanización Río Cobo, bloque 2, de Cervo, a pagar a María Ángeles Sánchez Cabo a suma de 2.293,82 euros. Esta cantidade devindicará, por conta da comunidade de propietarios da Urbanización Río Cobo, bloque 2, de Cervo, o xuro legal do diñeiro desde a reclamación xudicial, é dicir, desde o día 26 de novembro de 2010 ata a data desta resolución e, desde esta, os xuros legais do artigo 576 da LAC.
Impóñenselle as custas procesuais á comunidade de propietarios da Urbanización Río Cobo, bloque 2, de Cervo.
Notifíquese esta resolución ás partes.
Esta sentenza é firme.
Así, por esta miña sentenza, definitivamente xulgando en primeira instancia, pronúncioo, mándoo e asínoo».
E ao estar o dito demandado, comunidade de propietarios da Urbanización Río Cobo, bloque 2, declarado en rebeldía, expídese este edicto co fin de que lle sirva de notificación en forma.
Viveiro, 27 de marzo de 2015
A secretaria xudicial