Encarnación Mercedes Tubío Lariño, secretaria do Xulgado do Social número 4 da Coruña, dou fe e certifico que neste xulgado se seguen autos con número 237/2013 por instancia de Ricardo Ibon Carro contra a empresa Cosmetológicas SB, S.L., sobre cantidade, nos cales se ditou sentenza con data do 9.6.2015 que copiada nos particulares necesarios di así:

«Resolución.

Acéptase a demanda formulada por Ricardo Ibon Carro fronte á empresa Cosmetológicas SB, S.L., con intervención do Fondo de Garantía Salarial e, en consecuencia:

– Condénase a empresa Cosmetológicas SB, S.L. a aboarlle ao demandante a cantidade de trece mil setecentos corenta e nove euros con noventa e cinco céntimos de euro (13.749,95 euros). Os conceptos salariais xeran os xuros moratorios do 10 %.

Notifíqueselles a resolución ás partes.

Contra esta resolución cabe recurso de suplicación ante o Tribunal Superior de Xustiza de Galicia, o cal deberá anunciarse neste xulgado no prazo dos cinco días seguintes á notificación desta resolución, abonda a manifestación da parte ou do seu avogado graduado social colexiado ou representante dentro do indicado prazo.

Se o recorrente non goza do beneficio de xustiza gratuíta deberá, ao tempo de anunciar o recurso, ter consignado a cantidade obxecto de condena, así como o depósito de 300 euros na conta de depósitos e consignacións que ten aberta este xulgado, facendo constar no ingreso o número de procedemento.

Así o acorda, manda e asina Nicolás E. Pita Lloveres, maxistrado do Xulgado do Social número 4 da Coruña».

E para que conste, para os efectos da súa publicación no Diario Oficial de Galicia, co fin de que lle sirva de notificación en forma á empresa Cosmetológicas SB, S.L., expido e asino este edicto.

A Coruña, 15 de xuño de 2015

A secretaria xudicial