O artigo 4 do Decreto 1/1991, do 11 de xaneiro, polo que se regula a concesión da Medalla de Galicia, modificado polo Decreto 215/2003, do 3 de abril, establece as medallas que, anualmente, se poderán outorgar nas súas distintas categorías.
Tendo en conta o previsto no artigo antes indicado, o Goberno galego ten a vontade de outorgarlle a súa máis alta distinción ás persoas e entidade que se indican a seguir.
Polo tanto, por proposta do vicepresidente e conselleiro de Presidencia, Administracións Públicas e Xustiza, e logo do acordo do Consello da Xunta de Galicia, na súa reunión do día quince de xullo de dous mil quince,
DISPOÑO:
Conceder a Medalla de Ouro de Galicia a:
– David Cal Figueroa.
– Xosé Neira Vilas.
– Manuel Sánchez Salorio.
– Galicia Sexta Provincia - Enrique Beotas López.
Santiago de Compostela, quince de xullo de dous mil quince
Alberto Núñez Feijóo
Presidente
Alfonso Rueda Valenzuela
Vicepresidente e conselleiro de Presidencia, Administracións Públicas e Xustiza