Tipo e número de recurso: RSU. recurso de suplicación 2747/2015 MCR

Xulgado de orixe/autos: despedimento/cesamentos en xeral 797/2014. Xulgado do Social número 3 de Santiago de Compostela

Recorrente: Fogasa

Avogado: Fogasa

Recorridos: Limpiezas Secope, S.A., Víctor Jesús del Buey Touriño

Eu, M. Socorro Bazarra Varela, letrada da Administración de xustiza da Sala do Social do Tribunal Superior de Xustiza de Galicia, fago saber que no procedemento de recurso de suplicación 2747/2015 MCR desta sección, seguido por instancia de Fogasa contra Limpiezas Secope, S.A., Víctor Jesús del Buey Touriño sobre despedimento disciplinario, se ditou resolución cuxa parte dispositiva é do seguinte teor literal:

«Que estimando o recurso de suplicación interposto polo Fondo de Garantía Salarial contra a sentenza do 6 de xuño do 5 de marzo de 2015 ditada polo Xulgado do Social número 3 dos de Santiago de Compostela, nos autos 797/2014, revogámola parcialmente, deixando sen efecto o pronunciamento da sentenza de instancia conforme o cal se condena a referida empresa ao aboamento de salarios de tramitación á traballadora desde o 11 de novembro de 2014 ata a notificación da sentenza de instancia.

Incorpórese o orixinal desta sentenza, pola súa orde, ao libro de sentenzas do Tribunal Superior de Xustiza de Galicia. Sala do Social.

Modo de impugnación: fáiselles saber ás partes que contra esta sentenza cabe interpoñer recurso de casación para unificación de doutrina que se debe preparar mediante escrito presentado ante esta sala dentro do improrrogable prazo de dez días hábiles inmediatos seguintes á data de notificación da sentenza. Se o recorrente non ten a condición de traballador ou beneficiario do réxime público da Seguridade Social, deberá efectuar:

– O depósito de 600 euros na conta de 16 díxitos desta sala, aberta no Banco de Santander (Banesto) co número 1552 0000 37 seguida de catro díxitos correspondentes ao número do recurso e dous díxitos do ano deste.

– Así mesmo, se hai cantidade de condena deberá consignala na mesma conta, pero co código 80 en vez do 37, ou ben presentar aval bancario solidario en forma.

– Se o ingreso se fai mediante transferencia bancaria desde unha conta aberta en calquera entidade bancaria distinta, haberá que emitila á conta de vinte díxitos 0049 3569 92 0005001274 e facer constar no campo Observacións ou concepto da transferencia os 16 díxitos que corresponden ao procedemento (1552 0000 80 ou 37 **** ++).

Así, por esta a nosa sentenza, o pronunciamos, mandamos e asinamos».

Para que sirva de notificación en legal forma a Limpiezas Secope S.A., expido este edicto para a súa inserción no Diario Oficial de Galicia.

Advírteselle ao destinatario que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo o suposto da comunicación das resolucións que sexan autos ou sentenzas, ou cando se trate de emprazamento.

A Coruña, 20 de outubro de 2015

A letrada da Administración de xustiza