A Orde do 20 de xullo de 2015 pola que se establecen as bases que regulan as axudas e subvencións para o fomento do emprego a través dos programas de cooperación no ámbito de colaboración coas fundacións e entidades sen ánimo de lucro e se procede á súa convocatoria para o ano 2015, establece no seu artigo 2.2º que os ditos créditos estimados poderán ser obxecto de modificacións como consecuencia da asignación ou da redistribución de fondos para o financiamento dos programas de fomento do emprego, coas limitacións que establezan a Conferencia Sectorial de Emprego e Asuntos Laborais ou as disposicións aplicables ás axudas cofinanciadas polo Fondo Social Europeo, nos supostos e nas condicións previstas nos artigos 30 e 31 do Decreto 11/2009, do 8 de xaneiro, polo que se aproba o regulamento da Lei 9/2007, do 13 de xuño, de subvencións de Galicia.

Xa que os créditos previstos nesta orde no programa de gasto 322A «Mellora e fomento da empregabilidade», co código de proxecto 2015 00489, «Programas de adquisición de experiencia desempregados», están repartidos entre as aplicacións 11.03.322A.443.0 e 11.03.322A.481.0, dirixidos, respectivamente, a financiar as axudas que se concederán ás fundacións do sector público autonómico de Galicia e ás entidades sen ánimo de lucro e que, unha vez concedidas todas as axudas ás fundacións públicas, existen remanentes que poden ser reutilizados para a concesión de axudas para entidades sen ánimo de lucro, para as cales existen máis solicitudes que orzamento, e que se autorizou o correspondente expediente de modificación de crédito de fondos finalistas que afectan os importes das citadas aplicacións, procede darlles a oportuna publicidade, en cumprimento do disposto nos artigos 30 e 31 do Decreto 11/2009, do 29 de xaneiro, polo que se aproba o regulamento que desenvolve a Lei 9/2007, do 13 de xuño, de subvencións de Galicia.

Por todo o exposto e no uso das facultades que me foron conferidas,

RESOLVO:

Facer pública a redistribución e modificación dos créditos de fondos finalistas previstos na Orde do 20 de xullo de 2015 pola que se establecen as bases que regulan as axudas e subvencións para o fomento do emprego a través dos programas de cooperación no ámbito de colaboración coas fundacións e entidades sen ánimo de lucro e se procede á súa convocatoria para o ano 2015:

a) Baixa de crédito:

11.03.322A.443.0, código de proxecto 2015 00489: 193.450,00 euros.

b) Alta de crédito:

11.03.322A.481.0, código de proxecto 2015 00489: 193.450,00 euros.

Santiago de Compostela, 14 de decembro de 2015

Covadonga Toca Carús
Secretaria xeral de Emprego