A Lei orgánica 4/2007, do 12 de abril (BOE do 13 de abril), pola que se modifica a Lei orgánica 6/2001, do 21 de decembro, de universidades, na súa disposición adicional segunda dispón o seguinte:
«1. Os profesores titulares de escola universitaria que, no momento da entrada en vigor desta lei, posúan o título de doutor ou o obteñan posteriormente, e se acrediten especificamente no marco do previsto polo artigo 57, accederán directamente ao corpo de profesores titulares de universidade, nas súas propias prazas. Para a acreditación de profesores titulares de escola universitaria valorarase a investigación, a xestión e, particularmente, a docencia».
«3. Os que non accedan á condición de profesor titular de universidade permanecerán na súa situación actual mantendo todos os seus dereitos e conservando a súa plena capacidade docente e, de ser o caso, investigadora».
Unha vez comprobado o cumprimento polo interesado dos requisitos establecidos consonte o disposto nas citadas disposicións adicionais e en uso das atribucións conferidas ao meu cargo pola Lei orgánica de universidades e polo Decreto 14/2014, do 30 de xaneiro (DOG do 12 de febreiro), polo que se aproban os estatutos da Universidade de Santiago de Compostela, resolvo o seguinte:
Queda integrado no corpo de profesores titulares de universidade o funcionario do corpo de profesores titulares de escola universitaria pertencente a esta universidade que se relaciona a continuación, e queda adscrito ao mesmo departamento, área de coñecemento e centro en que estivese no seu corpo de orixe:
Apelidos e nome |
DNI |
Área de coñecemento |
Data de efectos |
Álvarez Rodríguez, Antonio |
34929951N |
Filoloxía Inglesa |
13.7.2015 |
Contra a presente resolución, que esgota a vía administrativa, poderase interpor recurso contencioso-administrativo no prazo de dous meses contados desde o día seguinte ao da súa publicación no Boletín Oficial del Estado, de conformidade co disposto na Lei 29/1998, do 13 de xullo, reguladora da xurisdición contencioso-administrativa. Potestativamente poderase interpor recurso de reposición ante o reitor da Universidade de Santiago de Compostela, no prazo dun mes contado a partir do día seguinte ao da devandita publicación, caso en que non se poderá interpor o recurso contencioso-administrativo antes mencionado ata que sexa resolto expresamente ou se produza a desestimación presunta do de reposición, conforme o previsto nos artigos 116 e 117 da LRX-PAC.
Santiago de Compostela, 7 de xaneiro de 2016
Juan Manuel Viaño Rey
Reitor da Universidade de Santiago de Compostela