Con data do 11 de decembro de 2015, a xefa territorial da Consellería de Sanidade en Ourense acordou o inicio do expediente sancionador 2015120AL-OU, a Vicente Fraga Cao (DNI 34974095-L), con domicilio na rúa Francisco González Rey, 6, de Celanova (Ourense), como titular do establecemento Panadería Pedra da Moa.
Intentada a notificación deste acordo segundo o disposto no artigo 59 da Lei 30/1992, do 26 de novembro, de réxime xurídico das administracións públicas e do procedemento administrativo común, e non sendo posible a súa práctica, por medio da presente cédula, e segundo o disposto no nº 5 do referido artigo, notifícase a Vicente Fraga Cao (DNI 34974095-L), como titular do establecemento Panadería Pedra da Moa, o contido do referido acordo de inicio que figura como anexo, para que poida ter coñecemento del.
Así mesmo, fáiselle saber o dereito que o asiste, ao abeiro do disposto no número 1 do artigo 19 do Real decreto 1398/1993, do 4 de agosto, polo que se aproba o Regulamento para o exercicio da potestade sancionadora, para presentar alegacións ante esta xefatura territorial no prazo de quince (15) días hábiles, contados desde o seguinte á publicación da presente cédula, lembrándolle o seu dereito a consultar o expediente, depositado nas dependencias desta xefatura territorial, sita na avenida de Zamora, nº 13, de Ourense, e obter, se é o caso, copia del, segundo o previsto na letra a) do artigo 35 da citada Lei 30/1992, do 26 de novembro.
Advírteselle que no caso de non efectuar alegacións sobre o contido do dito acordo no mencionado prazo, o acordo de inicio considerarase proposta de resolución cando conteña un pronunciamento preciso sobre a responsabilidade imputada, cos efectos previstos nos artigos 18 e 19 do Real decreto 1398/1993.
A presente cédula expídese para que conste e lle sirva de notificación ao interesado, en cumprimento co disposto no artigo 59.5 da Lei 30/1992, do 26 de novembro, e queda supeditada a eficacia desta notificación á súa publicación no taboleiro de edictos único (TEU) do BOE.
Ourense, 26 de xaneiro de 2016
María Villar Suárez
Xefa territorial de Ourense
ANEXO
Expediente sancionador 2015120AL-OU.
Interesado: Vicente Fraga Cao, como titular do establecemento Panadería Pedra da Moa.
DNI/NIF/CIF: 34974095-L.
Último enderezo coñecido: rúa Francisco González Rey, 6, de Celanova (Ourense).
Feito imputado: infracción da lexislación aplicable en materia sanitaria.
Preceptos infrinxidos: Regulamento (CE) nº 852/04.
Tipificación: leve.
Sanción proposta: mil seiscentos euros (1.600,00 €).