O Pleno da Corporación Municipal, na sesión extraordinaria do 16 de marzo de 2016, aprobou inicialmente o Plan xeral de ordenación municipal (PXOM), acordo que ten o seguinte contido:
«1º. Aprobar inicialmente o PXOM de Ordes.
2º. Someter o plan aprobado inicialmente con todos os documentos integrantes do expediente tramitado, incluído o informe de sustentabilidade ambiental, ás consultas previstas no documento de referencia e ao trámite de información pública durante un prazo de dous meses, mediante anuncio que se publicará no Diario Oficial de Galicia e en dous dos xornais de maior difusión na provincia. Simultaneamente, e durante o mesmo prazo, darase audiencia aos municipios limítrofes.
3º. Durante o trámite de información pública, o Concello solicitará das administracións públicas competentes os informes sectoriais que resulten necesarios, que deberán ser emitidos no prazo máximo dun mes, salvo que a lexislación sectorial sinale outro prazo.
4º. Suspender o outorgamento de licenzas de parcelación, edificación e derruba nos ámbitos do PXOM que poidan ser incompatibles coa ordenación urbanística obxecto de aprobación».
O prazo da exposición pública do expediente iniciarase o día seguinte ao da publicación deste anuncio no DOG.
A documentación do expediente estará á disposición dos interesados no Servizo de Urbanismo, de luns a venres, das 9.00 ás 14.00 horas.
O documento que integra o PXOM aprobado inicialmente poderase consultar na web municipal (www.ordes.gal).
Ordes, 18 de marzo de 2016
José Luis Martínez Sanjurjo
Alcalde presidente