De conformidade cos artigos 59.5 e 61 da Lei 30/1992, do 26 de novembro, de réxime xurídico das administracións públicas e do procedemento administrativo común, logo de ser intentada sen éxito a notificación persoal a través do servizo de Correos, notifícaselle á interesada, que se sinala no anexo deste anuncio, o acordo de inicio de procedemento ditado no expediente de axuda para a reestruturación e reconversión de viñedo número 36-09-213.

A interesada poderá comparecer nas oficinas do Servizo de Explotacións Agrarias de Pontevedra, Consellería do Medio Rural (avenida Fernández Ladreda, nº 43, 2º andar, Pontevedra), de luns a venres, en horario das 9.00 ás 14.00 horas, para o coñecemento íntegro do dito acordo e a constancia de tal coñecemento.

Concédeselle á interesada un prazo de quince días hábiles para que poida formular as alegacións e presentar a documentación que estime conveniente ao seu dereito, ante a Consellería do Medio Rural (Subdirección Xeral de Réxime Xurídico-Administrativo, Secretaría Xeral Técnica). A eficacia do acto queda supeditada á súa publicación no taboleiro de edictos único do Boletín Oficial del Estado (TEU do BOE) polo que o devandito prazo para presentar as alegacións computarase a partir do día seguinte ao desa publicación.

Santiago de Compostela, 14 de abril de 2016

Belén Mª do Campo Piñeiro
Directora xeral de Gandaría, Agricultura e Industrias Agroalimentarias

ANEXO

Procedemento: expediente número 36-2009-213, de axuda para a reestruturación e reconversión de viñedo.

Interesada: María Pilar Suárez Soto.

Acto de notificación: acordo de inicio de procedemento de reintegro da axuda.

Último enderezo coñecido: Silvoso, 13 C, San Salvador, 36637, Meis, Pontevedra.