A Xunta de Goberno Local, en sesión ordinaria do 18 de marzo de 2016, adoptou o seguinte acordo:

1º. Aprobar inicialmente o Plan especial de dotacións para equipamento de servizos funerarios en solo rústico, predio catastral 15060A511005700000LY, no Mesón do Vento, Ardemil, Ordes, promovido por Noelia García Vieites.

2º. Someter o expediente a información pública durante un mes mediante anuncio que se publicará no Diario Oficial de Galicia e en dous dos xornais de maior difusión na provincia.

3º. Solicitar das administracións públicas competentes os informes sectoriais que resulten preceptivos.

4º. Suspender as licenzas naqueles ámbitos do territorio cuxas novas determinacións supoñan modificación da ordenación urbanística vixente.

O prazo de exposición pública do expediente iniciarase o día seguinte ao de publicación deste anuncio no DOG.

Durante o devandito prazo poderá ser examinado por calquera interesado nas dependencias municipais, para que se formulen as alegacións que se consideren pertinentes.

Ordes, 30 de marzo de 2016

José Luis Martínez Sanjurjo
Alcalde-presidente