Ana Rodríguez Puga, letrada da Administración de xustiza, do Xulgado de Primeira Instancia e Instrución número 1 de Viveiro, polo presente anuncio:
No presente procedemento ordinario seguido por instancia de Testigos Cristianos de Jehová fronte a persoas descoñecidas e incertas ditouse sentenza, cuxo encabezamento e parte dispositiva son do teor literal seguinte:
«Sentenza.
Maxistrado: Pablo Muñoz Vázquez
Lugar: Viveiro
Data: 14 de marzo de 2016
Demandante: Testigos Cristianos de Jehová
Procuradora: María Oliva Acuña Santamarina
Avogados: Miguel García Martín e Ismael Robisco Robisco
Demandado: persoas descoñecidas e incertas con interese na herdanza de Josefa López Argiz
Demandado: Ministerio Fiscal
Tipo de procedemento: xuízo ordinario número 565/2015
Decido que debo estimar e estimo parcialmente a demanda interposta pola procuradora dos tribunais María Oliva Acuña Santamarina, en nome e representación da confesión relixiosa Testigos Cristianos de Jehová, e por conseguinte declaro que a confesión relixiosa Testigos Cristianos de Jehová é a única herdeira testamentaria de Josefa López Argiz con base na cláusula segunda do testamento outorgado por Josefa López Argiz o 29 de outubro de 1993 ante o notario de Viveiro Jorge Luis Sánchez Carballo.
Cada parte aboará as súas custas e as comúns pola metade.
Notifíquese esta resolución ás partes.
Esta sentenza non é firme. Contra ela cabe interpoñer recurso de apelación ante a Audiencia Provincial de Lugo.
Así por esta a miña sentenza, definitivamente xulgando en primeira instancia, pronúncioo, mándoo e asínoo. Rubricado».
E encontrándose o demandado, persoas descoñecidas e incertas, en paradoiro descoñecido, expídese o presente co fin de que sirva de notificación en forma a este.
Viveiro, 6 de maio de 2016
A letrada da Administración de xustiza