Rafael González Alió, letrado da Administración de xustiza do Xulgado do Social número 1 de Lugo, fago saber que no procedemento de despedimento/cesamentos en xeral 12/2016 deste xulgado do social, seguido por instancia de Tamara Fernández Corbelle contra Nemesio Fraga Souto e o Fondo de Garantía Salarial, sobre despedimento, ditouse sentenza cuxa resolución é a seguinte:
«Estimo integramente a demanda presentada por Tamara Fernández Corbelle, representada polo letrado Sr. Naval Penín, contra Nemesio Fraga Souto, que non compareceu malia constar a súa citación en legal forma, e, en consecuencia:
– Declaro improcedente o despedimento tácito producido con data de efectos do 30 de novembro de 2015.
– Non constando ser realizable a readmisión, por peche do centro de traballo, declaro extinguida a relación laboral existente entre a demandante e a empresa demandada no día da data, e condeno a empresa a aboar á demandante a cantidade de 1.055,42 euros en concepto de indemnización por despedimento improcedente, así como os salarios de tramitación devindicados desde o 30 de novembro de 2015 ata o día da data, a razón de 34,89 euros diarios.
As cantidades a cuxo aboamento foi condenado o empregador demandado serán asumidas polo Fondo de Garantía Salarial (Fogasa), dentro dos límites e cos requisitos legais e regulamentarios que lle son propios.
E para que sirva de notificación en legal forma a Nemesio Fraga Souto, en ignorado paradoiro, expido o presente para a súa inserción no Diario Oficial de Galicia.
Notifíquese esta resolución ás partes, facéndolles saber que esta non é firme e que contra ela cabe interpoñer, ante este xulgado, recurso de suplicación que resolverá a Sala do Social do Tribunal Superior de Xustiza de Galicia.
O recurso de suplicación deberá anunciarse ante este xulgado, por escrito ou comparecencia, dentro dos cinco días seguintes á notificación da sentenza.
Ao anunciar o recurso deberá xuntarse o documento que acredite o ingreso de 300 euros como depósito para recorrer no Banco Santander, na conta de depósitos e consignacións deste xulgado correspondente ao presente procedemento número 2322-0000-65-0012-16, baixo apercibimento de non dar trámite ao recurso, salvo que o recorrente sexa traballador, habente causa seu, beneficiario do réxime público da Seguridade Social, o Estado, as comunidades autónomas, as entidades locais e as entidades de dereito público vinculadas ou dependentes destes, sindicato ou beneficiario do dereito á asistencia xurídica gratuíta.
Ademais, cando a sentenza condene ao pagamento de cantidade, o recorrente que non goce do beneficio de xustiza gratuíta deberá acreditar, no momento de anunciar o recurso, ter consignado no Banco Santander, na conta de depósitos e consignacións deste xulgado correspondente ao presente procedemento 2322-0000-60-0012-16, a cantidade obxecto da condena, podendo substituírse a consignación en metálico polo aseguramento mediante aval solidario de duración indefinida e pagadoiro no primeiro requirimento emitido por entidade de crédito.
En caso de que algún dos anteriores ingresos se verifique mediante transferencia bancaria, esta deberá dirixirse á conta ES 55 0049 3569 92 0005001274, facendo constar como beneficiario “Xulgado do Social número 1 de Lugo” e como “concepto” o número de conta correspondente ao presente procedemento que proceda dos dous mencionados nos dous parágrafos que anteceden».
Para que sirva de notificación en forma a Nemesio Fraga Souto, en ignorado paradoiro, expido e asino o presente.
Lugo, 14 de xullo de 2016
O letrado da Administración de xustiza
