O Concello Pleno, en sesión que tivo lugar o día 28.7.2016, acordou proceder pola vía do artigo 105.2 da Lei 30/1992, do 26 de novembro, de réxime xurídico das administracións públicas e do procedemento administrativo común, a corrixir seis erros materiais, aritméticos e gráficos existentes nas determinacións do PXOM aprobado definitivamente de forma parcial pola Orde do 29 de abril de 2011, da Consellería de Medio Ambiente, Territorio e Infraestruturas (CMATI), relativas ao ámbito territorial do Campus Universitario de Lugo. O devandito acordo será publicado no Boletín Oficial da provincia.

Contra este acordo, que é definitivo en vía administrativa, poderase interpor, no prazo de dous meses, recurso contencioso-administrativo, ante o Tribunal Superior de Xustiza de Galicia, sen prexuízo de que se poida exercer, se é o caso, calquera outro recurso que se considere procedente.

Lugo, 3 de agosto de 2016