Polo Concello Pleno, en sesión ordinaria con data do 30 de xuño de 2016, acordouse, entre outros, o seguinte, facendo constar que con esta mesma data se remitiu a documentación establecida no artigo 92 da Lei 9/2002, á Consellería de Medio Ambiente, Territorio e Infraestruturas:

Aprobar definitivamente o estudo de detalle polígono 5, rúa Curros Enríquez, Mera-Oleiros (doc. nº 19.332 do 15.12.2015), presentado por López Calvo e Hijos, S.L. coas seguintes determinacións urbanísticas:

	Previsión plan	Estudo detalle
Superficie ámbito	2.265 m2	2.627,61 m2 realidade física
Edificabilidade máxima	1,00 m2/m2	1,00 m2/ m2
Aproveitamento tipo	0,95 m2/ m2	0,95 m2/ m2
Usos previstos	Vivenda colectiva e complementarios en planta baixa	Vivenda colectiva e complementarios en planta baixa
Dotacións públicas
Zona verde V-11	1.100 m2	1.125 m2
Viario aparcamento	605 m2	1.238,88 m2
Altura máxima	B + 3 (13,5 m)	B + 3 (13,5 m)
Ordenanzas de aplicación	Ord. 4 de cuarteirón	Ord. 4 de cuarteirón

O aproveitamento na parcela edificable será o seguinte:

Usos	Edificabilidade	Aproveitamento
Residencial	1.970,71	1.970,71
Compatible planta baixa	656,90	656,90 × 0,80 = 525,52
Totais	2.627,61	2.496,23

A edificabilidade resultante é: 2.627,61/2.627,61 = 1,00 m2/m2.

O aproveitamento resulta de: 2.496,23/2.627,61 = 0,95 m2/m2.

O estudo de detalle deixa aberta a posibilidade de facer uso de aparcadoiro soterrado público baixo a rasante da zona verde. Ademais, prevé a dotación de aparcamento en superficie para case 50 prazas.

Recursos. O estudo de detalle é unha disposición xeral polo que contra este poderá interpoñer recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia, de conformidade co artigo 10 da Lei 29/1998, do 13 de xullo, reguladora da xurisdición contencioso-administrativa, no prazo de dous (2) meses, contado desde o día seguinte ao da publicación desta disposición.

Oleiros, 2 de agosto de 2016

Ángel García Seoane
Alcalde presidente