En sesión plenaria do 29 de decembro de 2016, adoptouse acordo de revogar parcialmente a delegación de competencias en materia tributaria na Deputación Provincial da Coruña; en concreto revóganse as competencias previas á notificación da providencia de prema na recadación en período executivo de tributos, prezos públicos e calquera outro ingreso de dereito público de carácter non periódico ou de periodicidade inferior ao ano. A actuación da Deputación comezará coa notificación das providencias de prema ditadas previamente polo tesoureiro do Concello de Ames, que serán remitidas á Deputación da Coruña. A Deputación da Coruña levará a cabo o desenvolvemento do procedemento de prema en todas as súas fases de acordo coa lexislación aplicable.

O que se publica para o seu xeral coñecemento.

Ames, 30 de decembro de 2016

O alcalde
P.D. (Decreto 2637/2016)
Genma Otero Uhía
Primeira tenente de alcalde