En virtude da Resolución do 19 de setembro de 2016, da Dirección Xeral da Función Pública, publicada no Diario Oficial de Galicia nº 183, do 26 de setembro, aprobáronse as listaxes provisionais de persoas admitidas e excluídas do proceso selectivo para o ingreso no corpo facultativo superior de administración especial da Administración xeral da Comunidade Autónoma de Galicia, subgrupo A1, escala de enxeñeiros, especialidade de enxeñaría industrial.

Unha vez transcorrido o prazo regulamentario para a presentación de reclamacións sobre as ditas relacións de persoas admitidas e excluídas, de conformidade co artigo 12 do Regulamento de selección de persoal da Administración da Comunidade Autónoma de Galicia, e coa base I.4.2. das que rexen o proceso selectivo convocado pola Orde do 12 de abril de 2016, publicada no Diario Oficial de Galicia nº 85, do 4 de maio, esta dirección xeral

RESOLVE:

Aprobar as listaxes definitivas de persoas admitidas e excluídas do proceso selectivo para o ingreso no corpo facultativo superior de administración especial da Administración xeral da Comunidade Autónoma de Galicia, subgrupo A1, escala de enxeñeiros, especialidade de enxeñaría industrial.

A listaxe definitiva de persoas aspirantes admitidas poderase consultar no portal web corporativo funcionpublica.xunta.gal

A listaxe de persoas aspirantes excluídas, con indicación da causa determinante da súa exclusión, figura como anexo a esta resolución.

A Administración devolverá de oficio o importe ingresado en concepto de dereitos de exame a aqueles/as aspirantes definitivamente excluídos/as que, de acordo coa base I.3, realizaron o pagamento con certificado dixital ou DNI electrónico ou ben fixeron constar na súa solicitude o número de conta para estes efectos. Para a devolución do importe ingresado por aqueles/as outros/as aspirantes que non fixeron constar eses datos e figuren nesta resolución como excluídos/as será necesaria a presentación dun escrito en que o/a interesado/a faga constar o número de conta, a entidade bancaria e a localidade desta ou dun certificado expedido pola entidade no cal figuren eses datos. Esta documentación deberá ser presentada no prazo dun mes contado a partir do día seguinte ao da publicación desta resolución no Diario Oficial de Galicia.

De conformidade co disposto na base I.3, non procederá a devolución do importe aboado en concepto de dereitos de exame nos supostos de renuncia a participar no proceso dos solicitantes admitidos provisional ou definitivamente.

Contra esta resolución poderase interpoñer recurso potestativo de reposición, ante o conselleiro de Facenda, no prazo dun mes contado desde o día seguinte ao da súa publicación no Diario Oficial de Galicia, de conformidade co establecido na Lei 39/2015, do 1 de outubro, ou poderase interpoñer directamente recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia, no prazo de dous meses contados desde a mesma data, de conformidade co disposto no artigo 8.2 da Lei 29/1998, do 13 de xullo, en relación co artigo 10.1 do mesmo texto legal.

Santiago de Compostela, 17 de xaneiro de 2017

José María Barreiro Díaz
Director xeral da Función Pública

ANEXO
Relación de aspirantes excluídos/as

Acceso libre.

Apelidos e nome	NIF	Quenda	Motivo da exclusión
Acuña López, Iria	77416893C	Libre	55
Antelo Ponte, José Manuel	79333723F	Libre	55
Ballesteros Villar, Santiago	36163550Y	Libre	43
Barciela Castro, Jesús	36048652Q	Libre	55
Domínguez Varela, David	45861596X	Libre	55
González Mallo, Enrique	36088904H	Libre	55
Lago Jorge, José Manuel	36075871A	Libre	16
López Castillo, Francisco Manuel	34972017B	Libre	13
Lores Vázquez, Beatriz	36062366E	Libre	17, 20, 58
Martínez Rial, Sonia	44819655S	Libre	55
Mayo Giraut, Rubén	79332953L	Libre	55
Prieto Vigo, Verónica	33340798K	Libre	55
Rodríguez González, Alejandro	36146122N	Libre	58
Rodríguez Paz, Ricardo Manuel	32643703X	Libre	15
Rodríguez Rosado, Roberto Antonio	34880995T	Libre	18
Vázquez Paz, José	32713352S	Libre	55
Villares González, María Luisa	46899893H	Libre	55

Código	Descrición
13	Documentación xustificativa exención taxas fóra de prazo
15	Documento xustificativo exención taxas non cotexado
16	Documento xustificativo exención taxas non presentado
17	Doc. xustif. demandante emprego seis (6) meses antes convocatoria non presentado
18	Doc. xustif. demandante emprego seis (6) meses antes convoc. non válido
20	Taxas non aboadas
43	Desistencia da solicitude
55	Non cumprir ou acreditar requisito titulación
58	Doc. xustif. de non percibir prest. ou subs. por desemprego non presentado