María Teresa Vázquez Abades, letrada da Administración de xustiza do Xulgado do Social número 1 de Santiago de Compostela, fai saber que no procedemento ordinario 1093/2013 deste xulgado do social, seguido por instancia de Jesús Berrajet González contra a empresa Parolina Ornata, S.L.U. e Fogasa, se ditou a seguinte resolución, cuxa parte dispositiva se xunta:

«Que estimando integramente a demanda interposta por Jesús Berrajet González contra Parolina Ornata, S.L.U., debo condenar e condeno a mercantil demandada a que lle aboe ao demandante a suma de 306,63 euros polos conceptos e co detalle efectuados no feito probado terceiro da presente resolución, máis os xuros por mora do artigo 29.3 do ET desde a presentación da papeleta de conciliación ata a presente resolución, e os do artigo 576 da LAC desde esta resolución e ata o completo pagamento, así como ao aboamento das custas procesuais, con inclusión dos honorarios do letrado da parte demandante por importe de 100 euros.

No que se refire á responsabilidade do Fogasa, deberase observar o que resulte conforme a aplicación do artigo 33 do ET.

Notifíquese ás partes a presente resolución e fágaselles saber que fronte a ela non cabe recurso».

E para que sirva de notificación en legal forma a Parolina Ornata, S.L.U., en ignorado paradoiro, expido este edicto para a súa inserción no Diario Oficial de Galicia e fixación no taboleiro de anuncios deste xulgado.

Advírtese o destinatario de que as seguintes comunicacións se farán fixando copia da resolución ou da cédula no taboleiro de anuncios da oficina xudicial, agás no suposto da comunicación das resolucións que sexan autos ou sentenzas, ou cando se trate de emprazamento.

Santiago de Compostela, 6 de febreiro de 2017

A letrada da Administración de xustiza