Auto da Sección Segunda da Sala do Contencioso-Administrativo do Tribunal Superior de Xustiza de Galicia, polo que se lle dá publicidade á parte dispositiva da sentenza 45/2017, do 9 de febreiro de 2017.
Visto pola Sección Segunda da Sala do Contencioso-Administrativo do Tribunal Superior de Xustiza de Galicia o procedemento ordinario 4232/2012 contra o acordo do Pleno do Concello de Ourense do 20 de xaneiro de 2012, que aprobou definitivamente o Plan especial de protección do BIC coa categoría de sitio histórico do conxunto das fontes termais das Burgas e o seu contorno delimitado, interposto pola Congregación Relixiosa Siervas de San José, ditouse sentenza 45/2017, do 9 de febreiro, pola que se estima parcialmente o recurso contencioso-administrativo interposto.
Polo tanto, de conformidade co disposto nos artigos 72 e 107 da Lei 29/1998, do 13 de xullo, reguladora da xurisdición contencioso-administrativa, e co fin de levar a puro e debido efecto a dita sentenza, resólvese dar publicidade á súa parte dispositiva, que a seguir se transcribe:
«Por todo o exposto, en nome do rei, pola autoridade que lle confire a Constitución, esta sala decidiu: 1) Estimar o recurso contencioso-administrativo interposto pola Congregación Relixiosa Siervas de San José contra o acordo indicado no primeiro fundamento desta sentenza; 2) Anular o acordo no que se refire ao inmoble da parte demandante sito no nº 24 da rúa Progreso; 3) Impor ao Concello de Ourense, co límite sinalado, as custas procesuais causadas á recorrente.
Contra esta sentenza cabe interpor, ben ante o Tribunal Supremo, ben ante a correspondente sección desta sala, o recurso de casación previsto no artigo 86 da Lei xurisdicional, que se deberá preparar mediante escrito que se presentará nesta sala no prazo de trinta días e cumprindo os requisitos indicados no artigo 89.2 da dita lei».
A Xunta de Goberno local, en sesión ordinaria de data 9 de marzo de 2016, no punto 6 da orde do día acordou non recorrer contra a sentenza.
Ourense, 27 de marzo de 2017
Jesús Vázquez Abad
Alcalde presidente