Advertidos erros na citada orde, publicada no Diario Oficial de Galicia número 81, do xoves 27 de abril de 2017, cómpre efectuar as seguintes correccións:
No sumario, onde di: «ORDE do 11 de abril de 2017, conxunta da Consellería de Educación, Cultura e Ordenación Universitaria...», debe dicir: «ORDE do 11 de abril de 2017, conxunta da Consellería de Cultura, Educación e Ordenación Universitaria...».
Na páxina 19618, no terceiro parágrafo, onde di:
«A segunda acción proposta nesta convocatoria posibilita a continuación da formación dos doutores e doutoras que obtiveron unha axuda para a súa formación inicial na convocatoria do ano 2013 e que permaneceron no programa ata o 1 de abril de 2017, acadando unha avaliación positiva. O obxectivo é dar continuidade á súa carreira investigadora posibilitando un perfeccionamento na súa formación e o establecemento dunha liña de investigación propia que lles permita, nun futuro, consolidar a súa traxectoria».
Debe dicir:
«A segunda acción proposta nesta convocatoria posibilita a continuación da formación dos doutores e doutoras que obtiveron unha axuda para a súa formación inicial na convocatoria do ano 2013 e que permaneceron no programa ata o 31 de marzo de 2017, acadando unha avaliación positiva. O obxectivo é dar continuidade á súa carreira investigadora posibilitando un perfeccionamento na súa formación e o establecemento dunha liña de investigación propia que lles permita, nun futuro, consolidar a súa traxectoria».
Na páxina 19619, no terceiro parágrafo do artigo 1, onde di: «... que permaneceron nel ata o 1 de abril de 2017...», debe dicir: «... que permaneceron nel ata o 31 de marzo de 2017...».
Na páxina 19620, no parágrafo correspondente á modalidade B, onde di: «...que permaneceu nel ata o 1 de abril de 2017...», debe dicir: «... que permaneceu nel ata o 31 de marzo de 2017...».
Na páxina 19650, no artigo 1 do anexo II e na alínea b) do artigo 2 do mesmo anexo, onde di: «...ata o 1 de abril de 2017...», debe dicir: «...ata o 31 de marzo de 2017...».
Na páxina 19652, na alínea e) do artigo 4 do anexo II, onde di: «... que permaneceu nel ata o 1 de abril de 2017...», debe dicir: «... que permaneceu nel ata o 31 de marzo de 2017...».