Por Resolución do 26 de outubro de 2016 da Dirección Xeral da Función Pública, DOG nº 207, do 31 de outubro, e de conformidade co disposto no artigo 6 do Decreto 37/2006, acordouse a apertura de determinadas listas para a incorporación de novas solicitudes para a contratación temporal de persoal laboral da Xunta de Galicia correspondente ao grupo III, categoría 014 (xefe/a de cociña), e o grupo V, categoría 001 (camareiro/a-limpador/a, axudante cociña, pasador/a de ferro-lavandeiro/a, costureiro/a, cortador/a, pasador/a de ferro, lavandeiro/a).
Unha vez rematado o prazo de presentación de reclamacións estas foron examinadas e resoltas na sesión da Comisión Permanente, constituída ao abeiro do artigo 4 do Decreto 37/2006, que tivo lugar o día 23 de maio de 2017, acordándose elevar ao órgano convocante as listaxes definitivas de persoas admitidas e excluídas para a súa publicación no Diario Oficial de Galicia.
De conformidade co establecido no artigo 11 do Decreto 37/2006, relativo á publicidade das listas, esta dirección xeral,
RESOLVE:
Primeiro. Facer públicas as listas definitivas para o desempeño transitorio de postos reservados a persoal laboral dos grupos e categorías que se relacionan no anexo I.
Segundo. As listas poderán consultarse no portal web corporativo da Xunta de Galicia, funcionpublica.xunta.gal, seguindo a ruta <Listas de contratación> - <Consulta das listas: estado, orde e citacións pendentes> - <Consulta de estado, orde de chamamento e novas> e, tras indicar o NIF ou seleccionar unha determinada lista, <Consulta das listas de novas inclusións e actualización de méritos>.
Nas devanditas listas figura a seguinte información:
▪ Solicitantes admitidos/as na lista con indicación da puntuación definitivas resultante da aplicación do baremo establecido no artigo 9 do Decreto 37/2006.
▪ Solicitantes excluídos/as con expresión da causa de exclusión.
Terceiro. As listas entrarán en vigor a partir do día seguinte ao da publicación desta resolución no Diario Oficial de Galicia.
Cuarto. As persoas solicitantes excluídas disporán do prazo dun mes, contado a partir do día seguinte ao da publicación desta resolución no Diario Oficial de Galicia, para solicitar a devolución das taxas por dereitos de inscrición, debendo consignar o nome e apelidos, NIF, número da conta bancaria (vinte díxitos) e localidade desta, achegando así mesmo, copia cotexada do modelo de autoliquidación da taxa.
Quinto. Contra esta resolución e de conformidade co disposto nos artigos 112 e seguintes da Lei 39/2015, do 1 de outubro, do procedemento administrativo común das administracións públicas, as persoas interesadas poderán interpoñer recurso de alzada ante o conselleiro de Facenda, no prazo dun mes contado a partir do día seguinte ao da súa publicación no Diario Oficial de Galicia.
Santiago de Compostela, 24 de maio de 2017
José María Barreiro Díaz
Director xeral da Función Pública
