O Consello da Xunta na súa reunión do día vinte e catro de maio de dous mil dezasete, adoptou o acordo polo que se recoñece a condición de comunidade galega á entidade Xuntanza de Galegos en Alcobendas.
Sendo necesario proceder á publicación do devandito acordo, de conformidade co establecido no artigo 8 do Decreto 66/2014, do 23 de maio, polo que se regula o recoñecemento e revogación da condición de comunidade galega e de centro colaborador da galeguidade, o Rexistro da Galeguidade e o seu funcionamento,
RESOLVO:
Darlle publicidade ao acordo do Consello da Xunta do día vinte e catro de maio de dous mil dezasete, que figura como anexo á presente resolución.
Santiago de Compostela, 31 de maio de 2017
Antonio Rodríguez Miranda
Secretario xeral da Emigración
ANEXO
O Consello da Xunta na súa reunión do día vinte e catro de maio de dous mil dezasete, adoptou entre outros, o seguinte acordo:
Primeiro. En virtude do establecido no artigo 9 da Lei 7/2013, do 13 de xuño, da galeguidade, e no artigo 8 do Decreto 66/2014, do 23 de maio, polo que se regula o recoñecemento e revogación da condición de comunidade galega e de centro colaborador da galeguidade, o Rexistro da Galeguidade e o seu funcionamento, por proposta da Secretaría Xeral da Emigración, logo dos informes favorables da persoa encargada do Rexistro da Galeguidade e da Comisión Delegada do Consello de Comunidades Galegas, recoñécese a condición de comunidade galega á seguinte entidade: Xuntanza de Galegos en Alcobendas.
Segundo. Autorizar á Secretaría Xeral Emigración para publicar o presente acordo no Diario Oficial Galicia.