Por Resolución conxunta do 25 de abril de 2017 (DOG nº 91, do 12 de maio) convocáronse os premios de innovación educativa aos proxectos sobre consumo responsable Galicons-net.
Vista a proposta efectuada polo xurado mencionado no artigo 15 da citada resolución, relativa á selección dos traballos presentados segundo os criterios previstos no artigo 16, procede a súa publicación de conformidade con esta. Na súa virtude,
RESOLVEMOS:
Primeiro. Declarar gañador do premio na categoría A (alumnado de segundo ciclo de educación infantil e de educación primaria), dotado coa contía de 1.500 euros, ao proxecto «Coa cooperativa Riomaior, a publicidade irá mellor», realizado polo Colexio de Educación Primaria Plurilingüe de Riomaior.
Segundo. Declarar gañador do premio na categoría B (alumnado de educación secundaria obrigatoria), dotado coa contía de 1.500 euros, ao proxecto «Consumindo boa publicidade e publicitando o bo consumo», realizado polo Colexio Santo Domingo FESD.
Terceiro. Facendo uso da posibilidade prevista no artigo 15.4 da convocatoria, declarar desertos os premios para a categoría C (alumnado de bacharelato, de ciclos formativos de grao medio de formación profesional e de educación de persoas adultas) ao non presentarse nesta categoría ningún proxecto que cumpra os requisitos mínimos establecidos na convocatoria.
Santiago de Compostela, 22 de agosto de 2017
Sol María Vázquez Abeal |
Román Rodríguez González |