A Alcaldía do Concello de Marín, mediante a Resolución do 7 de novembro de 2017, acordou:
Primeiro. Darse por informada da aprobación definitiva, mediante o Acordo do 7 de abril de 2017, adoptado pola Comisión de Seguimento e Coordinación do Programa de Vivendas Baleiras do Plan RehaVita 2015-2020, Concello de Marín, das bases reguladoras do Programa de vivendas baleiras do Concello de Marín, así como dos seus tres correspondentes anexos, segundo a redacción incorporada á acta da dita sesión e remitida polo Instituto Galego da Vivenda e Solo.
Segundo. Ratificar as bases reguladoras do procedemento de incorporación de vivendas, así como os procedementos de selección dos futuros arrendatarios e de adxudicación das vivendas no concello de Marín.
Terceiro. Ordenar a publicación deste acordo no Diario Oficial de Galicia, no Boletín Oficial da provincia de Pontevedra, no taboleiro de anuncios municipal e na sede electrónica municipal. Nestes dous últimos casos, acompañado do texto íntegro das bases, para a entrada en vigor destas e, consecuentemente, inicio do desenvolvemento do programa citado.
Marín, 9 de novembro de 2017
María Ramallo Vázquez
Alcaldesa