En virtude da habilitación conferida pola disposición derradeira segunda da Orde do 12 de setembro de 2017 pola que se establecen as bases reguladoras e a convocatoria pública dos premios Coopera Galicia para as entidades locais 2017 para impulsar e difundir as iniciativas de asociacionismo municipal mediante a distinción pública dos proxectos piloto de xestión compartida de servizos promovidos por agrupacións de concellos, mancomunidades, consorcios locais e áreas metropolitanas da Comunidade Autónoma de Galicia (DOG núm. 180, do 21 de setembro), e de conformidade co establecido nos artigos 2.5, 7.3 e 10 da mesma orde, en relación coa composición do xurado encargado da análise e selección das solicitudes,

DISPOÑO:

Primeiro. Designar os membros do xurado de selección que deberá analizar e valorar as solicitudes que concorren aos premios Coopera Galicia para as entidades locais correspondentes ao ano 2017 e facer pública a súa composición, que é a que figura no anexo a esta resolución.

Segundo. Esta resolución entrará en vigor o mesmo día da súa publicación.

Santiago de Compostela, 14 de decembro de 2017

Marta Fernández-Tapias Núñez
Directora xeral de Administración Local

ANEXO
Xurado

Presidente:

– Marta Fernández-Tapias Núñez, directora xeral de Administración Local.

Vicepresidente:

– Alfredo García Rodríguez, presidente da Federación Galega de Municipios e Provincias (Fegamp).

Vogais:

– Álvaro Santos Ramos, vicepresidente da Deputación Provincial de Lugo, por designación da Fegamp, en representación das deputacións provinciais.

– Alfonso Villares Bermúdez, alcalde de Cervo, por designación da Fegamp.

– Evencio Ferrero Rodríguez, alcalde de Carballo, por designación da Fegamp.

– Sonia Rodríguez-Campos González, directora da Escola Galega de Administración Pública, designada pola Dirección Xeral de Administración Local.

– José Manuel Pardellas Rivera, funcionario da Administración Local con habilitación de carácter estatal, subescala de intervención-tesouraría, categoría superior, designado pola Dirección Xeral de Administración Local.

Secretaria:

– Raquel Bahillo Varela, subdirectora xeral de Xestión e Cooperación Económica coas Entidades Locais da Dirección Xeral de Administración Local, que actuará con voz e sen voto.