A Orde do 20 de setembro de 2017 pola que se establecen as bases reguladoras de axudas a centros especiais de emprego (CEE) co fin de promover a integración laboral das persoas con discapacidade, e se procede á súa convocatoria para as anualidades 2017-2018 (DOG núm. 189, do 4 de outubro de 2017), establece no seu artigo 2.5 que se poderá ampliar a contía máxima dos créditos dispoñibles e que o incremento do crédito estará condicionado á declaración de dispoñibilidade do crédito como consecuencia dunha xeración, ampliación ou incorporación de crédito, da existencia de remanentes doutras convocatorias financiadas con cargo ao mesmo crédito ou créditos incluídos no mesmo programa ou en programas do mesmo servizo.
En consecuencia, como existen outras dotacións que poden ser utilizadas para os mesmos fins, procedentes de fondos finalistas incorporados e de remanentes doutras convocatorias financiadas con cargo a créditos de fondos finalistas incluídos no mesmo programa e servizo, e coa finalidade de facer chegar as axudas ao maior número posible de centros especiais de emprego, conforme o establecido no artigo 30 do Regulamento da Lei 9/2007, do 13 de xuño, de subvencións de Galicia, aprobado polo Decreto 11/2009, do 8 de xaneiro, parece conveniente ampliar os créditos consignados no artigo 51.1 da Orde do 20 de setembro de 2017 que convoca as axudas para as anualidades 2017-2018.
Por todo o exposto e no uso das facultades que me foron conferidas,
DISPOÑO:
Artigo 1. Ampliación do crédito orzamentario
Amplíase o crédito consignado no artigo 51.1 para os programas I e III da Orde do 20 de setembro de 2017 pola que se establecen as bases reguladoras de axudas a centros especiais de emprego co fin de promover a integración laboral das persoas con discapacidade, e se procede á súa convocatoria para as anualidades 2017-2018 nas seguintes contías:
Programa I de axudas ás unidades de apoio á actividade profesional: 200.000 € para a anualidade 2017 e 150.000 € para a anualidade 2018.
Programa III de axudas ao custo salarial: 1.183.000 € para a anualidade 2017 e 1.877.000 para a anualidade 2018.
Na seguinte táboa reprodúcese o importe dos créditos da devandita Orde do 20 de setembro de 2017, pormenorizados por anualidades e aplicacións orzamentarias, indicando os importes iniciais e ampliados para cada programa de axudas.
código de proxecto |
Aplicación orzamentaria |
Anualidade 2017 |
Anualidade 2018 |
||||
2016 00309 |
Importe inicial |
Ampliación |
Importe final |
Importe inicial |
Ampliación |
Importe final |
|
Programa I: unidades de apoio (TR341K) |
09.40.322C.470.0 |
450.000 |
200.000 |
650.000 |
337.500 |
150.000 |
487.500 |
09.40.322C.481.0 |
100.000 |
|
100.000 |
75.000 |
|
75.000 |
|
Total Programa I |
550.000 |
200.000 |
750.000 |
412.500 |
150.000 |
562.500 |
|
Programa II: creación, ampliación, adaptación postos (TR341E/N) |
09.40.322C.470.0 |
1.000.000 |
0 |
1.000.000 |
750.000 |
0 |
750.000 |
09.40.322C.481.0 |
70.000 |
0 |
70.000 |
52.500 |
0 |
52.500 |
|
Total Programa II |
1.070.000 |
0 |
1.070.000 |
802.500 |
0 |
802.500 |
|
Programa III: custo salarial (TR341M) |
09.40.322C.470.1 |
2.480.522 |
1.100.000 |
3.580.522 |
6.288.126 |
1.684.000 |
7.972.126 |
09.40.322C.481.1 |
220.000 |
83.000 |
303.000 |
636.821 |
193.000 |
829.821 |
|
Total Programa III |
2.700.522 |
1.183.000 |
3.883.522 |
6.924.947 |
1.877.000 |
8.801.947 |
Artigo 2. Prazo de solicitudes
Esta modificación non afecta ao prazo establecido na referida orde para a presentación de solicitudes.
Disposición derradeira única. Entrada en vigor
Esta orde entrará en vigor o día seguinte ao da súa publicación no Diario Oficial de Galicia.
Santiago de Compostela, 20 de decembro de 2017
Francisco José Conde López
Conselleiro de Economía, Emprego e Industria