Para os efectos de darlle cumprimento ao solicitado polo Xulgado do Contencioso-Administrativo número 3 de Pontevedra, en relación co procedemento ordinario núm. 373/2017, interposto por Teresa Vidal Gómez, contra a resolución desestimatoria ditada polo director da Axencia de Protección da Legalidade Urbanística no recurso potestativo de reposición o 13.9.2017, interposto contra outra do 16.3.2016, expediente POL/137/2014-RP1, na que se declara prescrita a infracción respecto da edificación auxiliar e muros polo transcurso do prazo legalmente establecido na Lei de costas, e se ordena a restitución das cousas e a súa reposición ao estado anterior ao da comisión da infracción, debendo proceder á demolición da edificación auxiliar, sita no camiño Urxeira, núm. 1, Chancelas, urbanización Mar Tambo, Concello de Poio, esta dirección resolveu ordenar a remisión do correspondente expediente ao Xulgado do Contencioso-Administrativo número 3 de Pontevedra.
Ao non poder realizarse a notificación persoal do emprazamento, mediante a presente cédula (que ao abeiro do disposto no artigo 44 da Lei 39/2015, do procedemento administrativo común das administracións públicas-LPACAP, notifícaselle por medio dun anuncio publicado no Boletín Oficial del Estado) se empraza a Florencio Cruz Barreiro para que poida presentarse como interesado nos autos no prazo de nove días, de acordo co disposto no artigo 49.1 da Lei 29/1998, do 13 de xullo, reguladora da xurisdición contencioso-administrativa
Santiago de Compostela, 15 de decembro de 2017
O director da Axencia de Protección da Legalidade Urbanística
P.S.(Artigo 3 do Decreto 51/2008, do 6 de marzo;
DOG núm. 59, do 27 de marzo)
José Mª Domínguez Blanco
Subdirector da Axencia de Protección da Legalidade Urbanística