1. Entidade adxudicadora e datos xerais para a obtención da información:

a) Organismo: Axencia Galega de Innovación.

b) Dependencia que tramita o expediente: Área de Xestión.

c) Obtención de documentación e información:

1º. Dependencia: Área de Xestión.

2º. Enderezo: Praza de Europa, 10-A, 6º B.

3º. Localidade e código postal: Santiago de Compostela 15707.

4º. Teléfono: +34 981 95 70 14 - +34 981 95 70 42.

5º. Fax: +34 981 54 10 39.

6º. A información relativa ao expediente estará dispoñible para os licitadores a través das seguintes páxinas web: http://gain.xunta.es, civiluavsinitiative.com, e no perfil do contratante de Gain: http://gain.xunta.es/artigos/50/perfil+do+contratante e na Plataforma de contratos públicos de Galicia: www.contratosdegalicia.es

Os licitadores poderán solicitar as aclaracións que consideren pertinentes antes dos tres días previos á data de finalización do prazo para a presentación das solicitudes de participación.

2. Obxecto do contrato:

a) Tipo: compra pública de tecnoloxía innovadora.

b) Descrición: o obxecto da licitación é o deseño, desenvolvemento e posta en operación dunha solución para a xestión e control forestal a partir dos datos capturados polos sensores aerotransportados en UAV e noutros vehículos, aéreos e terrestres.

c) División por lotes: non.

d) CPV (referencia de nomenclatura): 71355000-1 (servizos de agrimensura).

3. Tramitación e procedemento:

a) Tramitación: ordinaria.

b) Procedimento: diálogo competitivo.

c) Criterios de adxudicación: o prezo non é o único criterio de adxudicación, e todos os criterios figuran unicamente nos pregos de contratación.

4. Valor estimado do contrato: 1.425.000 €.

5. Orzamento da licitación: 1.149.500 €.

O contrato financiarase con cargo á aplicación orzamentaria 08.A3.561A.640.0, do orzamento de gasto da Axencia Galega de Innovación para as anualidades 2018 a 2020.

6. Garantías exixidas:

a) Provisional: non procede.

b) Definitiva: 5 % do importe de adxudicación, excluído IVE.

7. Requisitos específicos do contratista:

a) Clasificación: non.

b) Solvencia económica e financeira mínima: volume anual de negocios por importe igual ou superior a 300.000 euros nalgún dos tres últimos exercicios concluídos.

c) Solvencia técnica e profesional mínima: relación, selada e asinada, dos principais servizos, proxectos ou traballos realizados nos últimos cinco anos, que inclúa importe, datas e destinatario, público ou privado, daqueles.

Deberán acreditar tanto a solvencia económica e financeira como a solvencia técnica e profesional, nos termos e condicións establecidos na cláusula 8.2.A do documento descritivo da contratación.

8. Presentación de solicitudes de participación:

a) Data: 30 días a partir do envío do anuncio ao DOUE.

b) Requisitos: os sinalados na cláusula 7.2 do documento descritivo.

c) Lugar de presentación: Rexistro da Axencia Galega de Innovación (praza de Europa, 10-A, 6º B, 15707 Santiago de Compostela).

9. Gastos de publicidade estimados: 3.000 euros. Os gastos que orixine a publicación, por unha soa vez, dos anuncios do procedemento, nos correspondentes boletíns oficiais, serán por conta do adxudicatario do contrato, sen que poida imputarse á Administración contratante ningún pagamento por tal concepto.

10. Data de envío do anuncio ao DOUE: 16.2.2018.

Santiago de Compostela, 15 de febreiro de 2018

Patricia Argerey Vilar
Directora da Axencia Galega de Innovación