De conformidade co artigo 8 da Lei 19/2013, do 9 de decembro, de transparencia, acceso á información pública e bo goberno, dáse publicidade á seguinte encomenda de xestión:
Resolución do 25 de xaneiro de 2018, da Consellería do Mar, pola que se lle encarga ao medio propio Axencia Galega de Innovación (Gain) a xestión de determinadas actuacións relacionadas coa análise das necesidades de demanda en innovación no sector pesqueiro, busca de propostas e planificación, tramitada como expediente anticipado de gasto.
– Actividade: xestionar determinadas actuacións de análise das necesidades de demanda en innovación no sector pesqueiro, busca de propostas e planificación.
– Natureza e alcance da xestión encomendada: encomenda de xestión a medios propios ao ter a Axencia Galega de Innovación (Gain), a consideración de medio propio instrumental e de servizo técnico da Administración xeral da Comunidade Autónoma de Galicia, en cumprimento do establecido nos artigos 10, 47 e seguintes da Lei 16/2010, do 17 de decembro, de organización e funcionamento da Administración xeral e do sector público autonómico de Galicia.
– Prazo de vixencia: desde o 25 de xaneiro de 2018 ata o 30 de decembro de 2018.
– Financiamento: tramitación anticipada con cargo aos orzamentos da Comunidade Autónoma de Galicia para o ano 2018, aplicación orzamentaria 14.02.723A.640.1 e con código de proxecto 2016 00287. Cofinanciada polo FEMP nun 75 %, na medida 7 (asistencia técnica).
Santiago de Compostela, 14 de febreiro de 2018
Mª Isabel Concheiro Rodríguez-Segade
Secretaria xeral técnica da Consellería do Mar