O Pleno da Corporación do Concello de Curtis, en sesión extraordinaria que tivo lugar o 16 de marzo de 2018, acordou aprobar inicialmente a modificación puntual nº 7 do Plan xeral de ordenación municipal de Curtis, modificación das categorías de solo rústico, o que se fai público en cumprimento do disposto no artigo 83.5 e no artigo 60.6 da Lei 2/2016, do 10 de febreiro, do solo de Galicia (LSG), durante o prazo de dous meses, contados desde a publicación do correspondente anuncio no DOG, prazo en que o expediente poderá ser examinado por calquera interesado nas dependencias municipais e se poderán formular as reclamacións e alegacións que se consideren pertinentes.
En virtude do disposto no artigo 47 da LSG, este acordo de aprobación inicial determina por si só a suspensión do procedemento de outorgamento de licenzas nos ámbitos do territorio afectados por esta modificación, cando as ditas licenzas non cumpran a regulación vixente na Lei do solo 2/2016 e o seu regulamento 143/2016 e a normativa sectorial correspondente, así como as novas previsións obxecto desta modificación.
Esta suspensión alcanzará, ademais de todo o solo rústico que non cumpra o anterior:
– O espazo libre de Fisteus.
– A delimitación do Plan especial As Toxeiras.
– O cemiterio e a contorna de San Roque de Xabriño.
– As zonas da rede viaria municipal afectadas polos pasos a nivel executados por ADIF no Fieital, A Pena, As Pereiras, A Cabana-Vilarullo, Carroipaz-O Abelar e Teixeiro-O Abelar.
Curtis, 21 de marzo de 2018
Antonio Ángel Fraga Sánchez
Alcalde accidental