O Pleno da Corporación do Concello de Curtis, en sesión extraordinaria que tivo lugar o 16 de marzo de 2018, acordou aprobar inicialmente a modificación puntual nº 6 do Plan xeral de ordenación municipal de Curtis na delimitación dos núcleos rurais, o que se fai público en cumprimento do disposto no artigo 83.5 e no artigo 60.6 da Lei 2/2016, do 10 de febreiro, do solo de Galicia (LSG), durante o prazo de dous meses, contados desde a publicación do correspondente anuncio no DOG, prazo en que o expediente poderá ser examinado por calquera interesado nas dependencias municipais e que se poderán formular as reclamacións e alegacións que se consideren pertinentes.

Suspéndese o outorgamento de licenzas naqueles ámbitos do territorio obxecto de planeamento cuxas novas determinacións supoñan a modificación da ordenación urbanística vixente, conforme o artigo 47.2 da LSG. Esta suspensión alcanzará:

– Aqueles núcleos rurais afectados por esta modificación, cando as novas determinacións supoñan a modificación da ordenación urbanística vixente.

– O sistema xeral de espazos libres sito no núcleo rural de Paradela.

– Os sistemas xerais de equipamento cemiterio nos núcleos de Curtis, Santaia e A Igrexa.

– A zona do paso a nivel sobre a liña de ferrocarril que dá acceso ao núcleo rural de Maques de Arriba desde o polígono industrial de Teixeiro-Curtis.

Curtis, 21 de marzo de 2018

Antonio Ángel Fraga Sánchez
Alcalde accidental