Visto o acordo polo cal se aproban as táboas salariais para o ano 2018 do convenio colectivo da empresa Norte Forestal, S.A. (código 82000612012001), que se subscribiu entre a representación empresarial e a representación sindical do convenio colectivo da empresa Norte Forestal, S.A. na reunión que tivo lugar o 12 de marzo de 2018, e de conformidade co disposto no artigo 90.2 e 3 do Real decreto lexislativo 2/2015, do 23 de outubro, polo que se aproba o texto refundido da Lei do Estatuto dos traballadores, e no Real decreto 713/2010, de 28 de maio, sobre rexistro e depósito de convenios e acordos colectivos de traballo, esta Secretaría Xeral de Emprego
RESOLVE:
Primeiro. Ordenar o seu rexistro e depósito no Rexistro de Convenios e Acordos Colectivos de Traballo da Comunidade Autónoma de Galicia (Rexcon).
Segundo. Dispoñer a súa publicación no Diario Oficial de Galicia.
Santiago de Compostela, 16 de abril de 2018
Covadonga Toca Carús
Secretaria xeral de Emprego
En Pontevedra o 12 de marzo de 2018.
REUNIDOS:
Dunha parte, actuando en nome e representación de Norte Forestal.
• María José Zueras Saludas.
• Patricia Vázquez Otero.
Doutra parte, a representación legal dos traballadores de Norte Forestal, S.A.
José Carlos Rodríguez López (CC.OO.).
Ambas as partes comparecen e, recoñecéndose mutuamente capacidade e lexitimación para subscribir a presente acta, establecen para o efecto os seguintes:
Antecedentes:
I. Que o convenio colectivo da empresa Norte Forestal, S.A. 2004-2008, subscrito con data do 23 de xullo de 2004, mesmo tendo finalizado a súa vixencia de conformidade co establecido no artigo 4, se considera tacitamente prorrogado de conformidade co establecido no seu artigo 5.
II. Que as partes asinantes do presente acordo estableceron negociacións co obxecto de efectuar unha revisión salarial sobre as táboas e conceptos retributivos previstos no convenio colectivo, e para tal obxecto
ACORDAN:
Primeiro. O ámbito de aplicación deste acordo afecta exclusivamente aqueles traballadores incluídos no ámbito persoal de aplicación do convenio colectivo da empresa de conformidade co establecido no artigo 3 do convenio colectivo de Norte Forestal, S.A. Isto é, o presente acordo afectará todos os traballadores que pertenzan ao cadro de persoal de Norte Forestal, S.A., coa excepción daquel persoal directivo, técnico ou asimilado que teña subscrito un contrato individual de traballo e que está excluído polas súas condicións persoais pactadas.
Segundo. As partes fixan un acordo de actualización salarial do 12,10 % con efectos do 1 de xaneiro de 2018 que será de aplicación aos seguintes conceptos salariais:
1. Táboas salariais anexo 1.
2. Táboas salariais anexo 2.
3. Complemento asistencia.
4. Axudas escolares (artigo 17 C.col., epígrafe Beneficios sociais).
5. Nupcialidade e natalicio (artigos 18 e 19 C.col., epígrafe Beneficios sociais).
6. Importe regalo Nadal (artigo 20 C.col., epígrafe Beneficios sociais).
7. Axuda economato (artigo 21 C.col., epígrafe Beneficios sociais).
Xúntanse a este acordo, como anexo I, as táboas salariais correspondentes ao incremento do 12,10 % sobre todos os conceptos reflectidos no presente acordo.
Terceiro. Paga non consolidable
Os traballadores eventuais en alta en 31 de decembro de 2009 (que non están de alta todo o ano), afectados por este acordo, recibirán unha paga non consolidable nun só pagamento de 200 € no momento da sinatura do convenio. Para os traballadores indefinidos en 31 de decembro de 2009 (de alta todo o ano) a dita paga ascenderá a 350 €.
Cuarto. Suba 2019 e 2020
As partes acordan que, en caso de non mediar denuncia do convenio colectivo nos dous próximos anos (2019 e 2020), se aplicará a suba do IPC desde xaneiro de 2019 (considerando o IPC de 2018) e en 2019 (considerando o IPC de 2018).
Quinto. Retroactividade dos acordos
As partes acordan retrotraer os efectos do presente acordo ao 1 de xaneiro de 2018. A actualización e os atrasos realizaranse coa nómina do mes de abril do ano 2018.
Para que así conste, asínase este acordo por duplicado exemplar en Pontevedra o 12 de marzo de 2018.
Sexto. Autorización de rexistro
Ambas as partes autorizan expresamente a Vicente Fernández Victoria (DNI 36175579Y), asesor externo da empresa, para realizar cantas xestións xulgue pertinentes de cara ao rexistro do presente acordo na plataforma informática Rexcon.
ANEXO I
Táboa 2018
Nivel |
Valor 2018 |
Valor 2018 ano |
D4 |
888,82 |
12.443,54 |
D3 |
934,59 |
13.084,24 |
D2 |
986,52 |
13.811,24 |
D1 |
1.039,28 |
14.549,87 |
C4 |
1.092,84 |
15.299,77 |
C3 |
1.145,58 |
16.038,17 |
C2 |
1.198,33 |
16.776,67 |
C1 |
1.251,90 |
17.526,57 |
B4 |
1.312,37 |
18.373,13 |
B3 |
1.384,54 |
19.383,59 |
B2 |
1.471,84 |
20.605,74 |
B1 |
1.545,43 |
21.636,01 |
A3 |
1.622,69 |
22.717,70 |
A2 |
1.721,80 |
24.105,21 |
A1 |
1.807,89 |
25.310,46 |
ANEXO III
Táboa II 2018
Categoría |
Salario base |
Incentivo |
Complemento comida |
Complemento dedicación |
Total día |
Peón viveiros |
32,55 |
4,43 |
4,52 |
0,00 |
41,49 |
Peón forestal |
35,16 |
5,01 |
4,53 |
0,00 |
44,70 |
Peón especialista |
36,59 |
4,46 |
4,53 |
0,00 |
45,58 |
Xefe de cuadrilla |
39,49 |
4,49 |
4,53 |
4,23 |
52,75 |
Operador de maquinaria |
40,23 |
9,33 |
4,53 |
0,00 |
54,10 |
Encargado forestal |
43,95 |
4,40 |
4,48 |
4,32 |
57,15 |
Outros conceptos |
Valor 2018 |
|
Artigo 25 |
Asistencia |
77,87 |
Artigo 17 |
Axuda escolar grupo 1 |
156,02 |
Axuda escolar grupo 2 |
195,02 |
|
Axuda escolar grupo 3 |
243,78 |
|
Axuda escolar grupo 4 |
304,73 |
|
Artigo 18 |
Nupcialidade |
636,53 |
Artigo 19 |
Natalicio |
318,26 |
Artigo 20 |
Nadal |
188,74 |
Artigo 21 |
Economato |
95,94 |