Para os efectos previstos no artigo 15.2 da Lei 1/2016, do 18 de xaneiro, de transparencia e bo goberno (DOG núm. 30, do 15 de febreiro), acórdase darlles publicidade aos convenios de colaboración subscritos polo Instituto Enerxético de Galicia (Inega) no primeiro cuadrimestre do ano 2018 e que se relacionan no anexo a esta resolución.
Santiago de Compostela, 3 de maio de 2018
Ángel Bernardo Tahoces
Director do Instituto Enerxético de Galicia
ANEXO
Nº: 1.
Título: convenio de colaboración entre o Instituto Enerxético de Galicia (Inega) e a Asociación Clúster da Xeotermia Galega (Acluxega) para actividades de divulgación, difusión, promoción e formación sobre xeotermia en Galicia.
Obxecto: realización de actividades relacionadas co fomento da xeotermia en Galicia durante o ano 2018, asignando os recursos necesarios para levalas a cabo.
Sinatura: 19 de marzo de 2018.
Importe: 24.000,00 €.
Nº: 2.
Título: convenio de colaboración entre o Instituto Enerxético de Galicia (Inega) e a Fundación Sotavento Galicia, para a realización de actuacións na Feira da Enerxía de Galicia, os días 22, 23 e 24 de marzo de 2018.
Obxecto: establecer as bases da colaboración entre o Inega e a Fundación Sotavento Galicia para a realización de actividades na Feira da Enerxía de Galicia que se celebrará os días 22, 23 e 24 de marzo de 2018 cunha finalidade pedagóxica e divulgativa do mundo da enerxía.
Sinatura: 19 de marzo de 2018.
Importe: 20.000 €.
Nº: 3.
Título: convenio de colaboración entre o Instituto Enerxético de Galicia (Inega) e a Fundación Monte do Gozo-Proxecto Home Galicia para a realización dun curso de formación relacionado coas enerxías renovables.
Obxecto: levar a cabo na comunidade terapéutica de Proxecto Home un proxecto educativo de formación en enerxías renovables para a capacitación dos mozos e mozas que reciben atención terapéutica e converter a fundación nun centro de educación ambiental.
Sinatura: 13 de abril de 2018.
Importe: 20.000,00 euros.
Nº: 4.
Título: convenio de colaboración entre o Instituto Enerxético de Galicia (Inega) e a Fundación Clúster de Empresas de Automoción de Galicia (Ceaga) para la realización dun estudo enerxético do sector de automoción de Galicia Horizonte 2020.
Obxecto: establecer as condicións da colaboración entre o Inega e Ceaga para a elaboración dun estudo enerxético do sector de automoción de Galicia que recolla o contexto enerxético actual das empresas do sector, así como as actuación que hai que levar a cabo a curto, medio e longo prazo para facer mais sostible dita variable nas empresas.
Sinatura: 23 de abril de 2018.
Importe: 50.000,00 euros.