De conformidade co disposto nos artigos 44 e 46 da Lei 39/2015, do 1 de outubro, do procedemento administrativo común das administracións públicas, ao non ser posible a súa notificación polo servizo de Correos, emprázanse as persoas interesadas que se sinalan no anexo para seren notificadas por comparecencia.
O acto foi adoptado pola Secretaría Xeral para o Deporte.
A comparecencia para coñecer o contido íntegro da notificación deberase efectuar no prazo de dez (10) días hábiles, contados desde o seguinte ao da publicación deste anuncio no Boletín Oficial del Estado, na sede desta secretaría xeral, sita na rúa Madrid, nº 2-4, 2º andar, 15781 Santiago de Compostela, das 9.00 ás 14.00 horas, de luns a venres.
Transcorrido o devandito prazo sen efectuarse a comparecencia, a notificación entenderase producida desde o día seguinte ao da súa publicación no Boletín Oficial del Estado.
Santiago de Compostela, 21 de maio de 2018
Marta Míguez Telle
Secretaria xeral para o Deporte
ANEXO
– Expediente: Resolución do 7 de xullo de 2017, da Secretaría Xeral para o Deporte, pola que se fan públicas as listaxes definitivas de subvencións a entidades deportivas convocadas pola Resolución do 25 de novembro de 2016, pola que se convocan subvencións, en réxime de concorrencia non competitiva, a clubs deportivos, sociedades anónimas deportivas e agrupacións deportivas escolares de Galicia, para o desenvolvemento de actividades deportivas.
– Interesado: Club Atletismo Millaraio.
– NIF: G70193313.
– Acto notificado: acordo de inicio de declaración de perda total/parcial de dereito ao cobramento da axuda.
– Interesado: Club Deportivo Ciudad.
– NIF: G15275183.
– Acto notificado: acordo de inicio de declaración de perda parcial de dereito ao cobramento da axuda.