BDNS (Identif.): 403358.
De conformidade co previsto nos artigos 17.3.b) e 20.8.a) da Lei 38/2003, do 17 de novembro, xeral de subvencións, publícase o extracto da convocatoria cuxo texto completo se pode consultar na Base de datos nacional de subvencións (http://www.pap.minhap.gob.es/bdnstrans/index).
Primeiro. Entidades beneficiarias
As agrupacións entre un organismo de investigación de Galicia e unha empresa, nos termos previstos no artigo 8.3 da Lei 9/2007, do 13 de xuño, de subvencións de Galicia, que teñan constituída unha unidade mixta de investigación beneficiaria dunha axuda da Axencia Galega de Innovación para a súa creación e posta en marcha das convocatorias dos anos 2014 e 2015 e que non estean a desfrutar de axudas para a súa consolidación.
Estas unidades mixtas de investigación son as beneficiarias das axudas da Axencia Galega de Innovación concedidas polas resolucións do 6 de outubro de 2014 (DOG nº 195, do 13 de outubro) ou do 21 de maio de 2015 (DOG nº 100, do 29 de maio), con excepción daquelas beneficiarias que renunciasen á axuda e das unidades que estean recibindo axudas da Gain para a súa consolidación.
Segundo. Obxecto
Esta resolución ten por obxecto aprobar as bases polas cales se rexerá a concesión das axudas da Axencia Galega de Innovación para a consolidación das unidades mixtas de investigación xurdidas ao abeiro das convocatorias de axudas da Gain dos anos 2014 e 2015.
O obxectivo das axudas convocadas é a consolidación, o fortalecemento e o mantemento da actividade investigadora e innovadora destas unidades mixtas de investigación, dando así continuidade e evolución ás expectativas, obxectivos e resultados das súas liñas de investigación e traballo.
Así mesmo, por medio desta resolución convócanse estas axudas para o ano 2018 en réxime de publicidade, obxectividade e concorrencia competitiva (código de procedemento IN853B). As axudas concedidas no marco da presente resolución axústanse ao establecido no Regulamento (UE) 651/2014.
Terceiro. Bases reguladoras
Publícanse conxuntamente coa convocatoria.
Cuarto. Contía
O importe total da convocatoria é 3.000.000 euros, coa seguinte distribución por anos:
|
Ano 2018 (€) |
Ano 2019 (€) |
Ano 2020 (€) |
Ano 2021 (€) |
Total (€) |
|
250.000 |
930.000 |
930.000 |
890.000 |
3.000.000 |
Intensidade das axudas: 30 % do orzamento da unidade mixta considerada subvencionable, cun máximo de 1.300.000 euros.
Quinto. Prazo de presentación de solicitudes
Un mes contado a partir do día seguinte ao da publicación desta convocatoria no Diario Oficial de Galicia. Entenderase como derradeiro día do prazo o correspondente ao mesmo ordinal do día da publicación no DOG e, se é inhábil, o primeiro día hábil seguinte.
Sexto. Outros datos
Poderase anticipar ata o 50 % do importe da subvención concedida para cada anualidade.
Santiago de Compostela, 28 de maio de 2018
Patricia Argerey Vilar
Directora da Axencia Galega de Innovación
