A titular do centro privado (CPR) Santa Apolonia, de Santiago de Compostela, solicita a supresión do ciclo formativo de grao superior (CS) Dietética e a autorización para impartir o CS Anatomía Patolóxica e Citodiagnóstico.
Logo da tramitación do expediente de acordo co establecido no Decreto 133/1995, do 10 de maio, de autorización de centros docentes privados para impartir ensinanzas de réxime xeral non universitarias, e coa Orde do 20 de setembro de 1995 que o desenvolve, por proposta da Dirección Xeral de Centros e Recursos Humanos,
DISPOÑO:
Artigo 1. Modificación da autorización
1. Suprimir o ciclo formativo de grao superior (CS) Dietética e autorizar o CS Anatomía Patolóxica e Citodiagnóstico, no centro docente privado cuxos datos se detallan a seguir:
Denominación xenérica: centro privado (CPR).
Denominación específica: Santa Apolonia.
Código: 15025116.
Enderezo: A Poza Real, 5.
Localidade: Santiago de Compostela.
Concello: Santiago de Compostela.
Provincia: A Coruña.
Titular: María del Rosario Medina Gómez.
2. Composición resultante:
Educación infantil: 3 unidades.
Educación primaria: 6 unidades.
Educación secundaria obrigatoria: 4 unidades.
Bacharelato: 2 unidades da modalidade de Ciencias e 2 unidades da modalidade de Humanidades e Ciencias Sociais.
Formación profesional.
a) Ciclos formativos de grao medio (CM), modalidade presencial:
• 1 CM Coidados Auxiliares de Enfermaría (1 unidade para 30 alumnos/as).
• 1 CM Cociña e Gastronomía (2 unidades para 20 alumnos/as cada unha).
b) Ciclos formativos de grao superior, modalidade presencial:
• 1 CS Ensinanza e Animación Sociodeportiva (2 unidades para 30 alumnos/as cada unha).
• 1 CS Administración e Finanzas (2 unidades, 30 alumnos/as cada unha).
• 1 CS Anatomía Patolóxica e Citodiagnóstico (2 unidades, 30 alumnos/as cada unha).
• 1 CS Audioloxía Protésica (2 unidades, 30 alumnos/as cada unha).
• 1 CS Educación Infantil (2 unidades, 30 alumnos/as cada unha).
• 1 CS Hixiene Bucodental (2 unidades para 30 alumnos/as cada unha).
• 1 CS Laboratorio Clínico e Biomédico (2 unidades, 22 alumnos/as cada unha).
• 1 CS Ortoprótese e Produtos de Apoio (2 unidades, 30 alumnos/as cada unha).
• 1 CS Próteses Dentais (2 unidades, 30 alumnos/as cada unha).
c) Modalidade a distancia e/ou semipresencial:
• 1 CS Audioloxía Protésica.
• 1 CS Hixiene Bucodental.
• 1 CS Ortopróteses e Produtos de Apoio.
Educación para persoas adultas, modalidade presencial, en quenda de tarde-noite:
– Educación secundaria para persoas adultas: nivel I e II.
– Bacharelato: modalidades de Ciencias; Humanidades e Ciencias Sociais.
Artigo 2. Inicio da actividade
Para a posta en funcionamento das ensinanzas que se autorizan, a Xefatura Territorial da Consellería de Cultura, Educación e Ordenación Universitaria da Coruña, logo do informe do Servizo Territorial de Inspección Educativa, aprobará expresamente a relación do profesorado que impartirá docencia nos ditos ciclos, así como o equipamento.
Artigo 3. Inscrición no rexistro de centros
Esta orde dará lugar á correspondente inscrición no Rexistro de Centros da Comunidade Autónoma de Galicia.
Artigo 4. Modificación da autorización
O centro queda obrigado ao cumprimento da normativa vixente e a solicitar a oportuna revisión cando deba modificarse calquera dos datos que sinala esta orde.
Contra esta orde, que esgota a vía administrativa, as persoas interesadas poderán formular recurso potestativo de reposición, ante esta consellería, no prazo dun mes contado a partir do día seguinte ao da súa publicación no Diario Oficial de Galicia, segundo o disposto nos artigos 123 e 124 da Lei 39/2015, do 1 de outubro, do procedemento administrativo común das administracións públicas, ou directamente o recurso contencioso-administrativo, no prazo de dous meses desde a mesma data, ante a Sala do Contencioso-Administrativo do Tribunal Superior de Xustiza de Galicia, de conformidade co artigo 46 da Lei 29/1998, do 13 de xullo, reguladora da xurisdición contencioso-administrativa.
Santiago de Compostela, 28 de xuño de 2018
Román Rodríguez González
Conselleiro de Cultura, Educación e Ordenación Universitaria