DOG 158 do 21/08/2018 - RESOLUCIÓN do 10 de xullo de 2018 pola que se dá publicidade das subvencións concedidas ao abeiro da Orde do 5 de marzo de 2018 (Diario Oficial de Galicia número 59, do 23 de marzo) pola que se establecen as bases reguladoras que rexerán as axudas destinadas á colaboración no financiamento de intervencións arqueolóxicas e se procede á súa convocatoria para o ano 2018.

III. Outras disposicións

Consellería de Cultura, Educación e Ordenación Universitaria

RESOLUCIÓN do 10 de xullo de 2018 pola que se dá publicidade das subvencións concedidas ao abeiro da Orde do 5 de marzo de 2018 (Diario Oficial de Galicia número 59, do 23 de marzo) pola que se establecen as bases reguladoras que rexerán as axudas destinadas á colaboración no financiamento de intervencións arqueolóxicas e se procede á súa convocatoria para o ano 2018.

O artigo 15.1 da Lei 9/2007, do 13 de xuño, de subvencións de Galicia, establece a obrigatoriedade de publicación no Diario Oficial de Galicia das axudas concedidas coa indicación da convocatoria, o programa e o crédito orzamentario a que se imputan, o beneficiario, a cantidade concedida e a finalidade.

Na súa virtude

RESOLVO:

Primeiro. Ordenar a publicación no Diario Oficial de Galicia das axudas concedidas ao abeiro da Orde do 5 de marzo de 2018 (DOG núm. 59, do 23 de marzo), pola que se establecen as bases reguladoras que rexerán as axudas destinadas á colaboración no financiamento de intervencións arqueolóxicas e se procede á súa convocatoria para o ano 2018, con cargo ás aplicacións orzamentarias 10.21.433A.770.0 e 10.21.433A.781.2, segundo o anexo desta resolución.

Segundo. Desestimar o resto das solicitudes presentadas ao abeiro da Orde do 5 de marzo de 2018, que se recollen no anexo II desta resolución.

Santiago de Compostela, 10 de xullo de 2018

Román Rodríguez González
Conselleiro de Cultura, Educación e Ordenación Universitaria

Anexo I

Solicitante	Actuación	Subvención concedida	Aplicación orzamentaria
Edifa Cabaro, S.L.	Sondaxes arqueolóxicas valorativas para a rehabilitación de edificio na praza da Constitución núm. 11, concello de Vigo	3.031,05 €	10.21.433A.770.0
Santiago Pérez Alonso	Sondaxes mecánicas nun solar en Pedornes, Santa María de Oia, concello de Pontevedra	441,65 €	10.21.433A.781.2
Marta María Porca Vidal	Control arqueolóxico das obras de rehabilitación de edificio na rúa do Castro, núm. 13, concello de Betanzos	1.118,04 €	10.21.433A.781.2
Juan Díaz Bernárdez	Control arqueolóxico das obras vinculadas ao proxecto básico na Casa do Priorato, Surriba, Barbadelo, concello de Sarria	1.663,75 €	10.21.433A.781.2
Eladio Pérez Fernández	Control arqueolóxico e escavación arqueolóxica en área na parcela 53 do SAI, sector A, barrio de Xermaña, Panxón, concello de Nigrán	6.269,39 €	10.21.433A.781.2
María González Misa	Sondaxes mecánicas para a construción dunha vivenda unifamiliar nunha parcela do camiño de Gravín, s/n, Medialdea, Belesar, concello de Baiona	1.126,34 €	10.21.433A.781.2
Marta Ramilo González	Sondaxes arqueolóxicas mecánicas previas á construción dunha vivenda unifamiliar en Camiño, núm. 51, Donas, concello de Gondomar	1.121,07 €	10.21.433A.781.2

Anexo II

Solicitante	Actuación	Causas
Asociación Cultural Villa Petroni	Prospección arqueolóxica con xeo-radar 3D multifunción na paraxe da Barca, concello de Padrón	Incumprimento dos artigos 1.1 e 2.2.d) da Orde do 5 de marzo de 2018.