A Resolución do 21 de maio de 2018, da Axencia Galega de Innovación, estableceu as bases reguladoras para a concesión, en réxime de concorrencia competitiva, das axudas para o programa Industrias do futuro 4.0 (segunda convocatoria) orientado a proxectos de investigación industrial, desenvolvemento experimental e innovación centrados en tecnoloxías industriais innovadoras dentro da iniciativa Industrias 4.0-captación de investimentos, cofinanciadas polo Fondo Europeo de Desenvolvemento Rexional (Feder) no marco do programa operativo Feder Galicia 2014-2020 e procedeu á súa convocatoria para o ano 2018 (código do proxecto IN854A) (Diario Oficial de Galicia núm. 105, do 4 de xuño).
Esta convocatoria prevé, no seu artigo 7, dous períodos de presentación de solicitudes. A primeira edición é para as solicitudes presentadas ata o 4 de xuño de 2018.
Todas as solicitudes presentadas na primeira edición cumpren os requisitos que se exixen aos proxectos e aos beneficiarios para poder optar ás axudas, e foron obxecto do proceso de avaliación segundo os criterios de valoración establecidos no artigo 34 das bases reguladoras.
A comisión de selección prevista no artigo 33 das bases reguladoras reuniuse o día 1 de agosto de 2018 e elaborou unha relación, por orde decrecente de puntuación, das solicitudes que cumpren as condicións administrativas e técnicas para adquirir a condición de beneficiario, así como os seus custos subvencionables.
O crédito dispoñible para esta edición é o 50 % do orzamento da convocatoria, segundo o establecido no artigo 8.2 desta, e resulta suficiente para financiar os proxectos seleccionados que superan a puntuación mínima de 60 puntos.
Unha vez realizada a instrución do procedemento e á vista da proposta de resolución e do informe emitido pola comisión de selección para a primeira edición, de acordo co disposto nos artigos 32 e 37 das bases reguladoras,
RESOLVO:
1. Conceder as axudas, respectando a intensidade máxima prevista no artigo 9 das bases reguladoras, ás empresas seleccionadas que figuran no anexo desta resolución para a realización do proxecto que en cada caso se indica.
2. Abrir o prazo de presentación de solicitudes para a segunda edición desta convocatoria, desde o día seguinte ao da publicación desta resolución no DOG ata o 28 de setembro, de conformidade co disposto no artigo 7 das bases reguladoras.
As axudas concedidas imputaranse ás aplicacións orzamentarias 09.A3.561A.770.00 e 09.A3.561A.781.0 segundo a natureza da entidade beneficiaria, en que existe crédito adecuado e suficiente nos orzamentos da Comunidade Autónoma de Galicia para o ano 2018.
Estas axudas están cofinanciadas no marco do programa operativo Feder Galicia 2014-2020, eixe 1 «Potenciar a investigación o desenvolvemento tecnolóxico e a innovación», Prioridade de investimento 1.2 «O fomento do investimento empresarial en I+i, o desenvolvemento de vínculos e sinerxías entre as empresas, os centros de investigación e desenvolvemento e o sector do ensino superior, en particular mediante o fomento do investimento no desenvolvemento de produtos e servizos, a transferencia de tecnoloxía, a innovación social, a innovación ecolóxica, as aplicacións de servizo público, o estímulo da demanda, a interconexión en rede, as agrupacións e a innovación aberta a través dunha especialización intelixente e mediante o apoio á investigación tecnolóxica e aplicada, liñas piloto, accións de validación precoz dos produtos, capacidades de fabricación avanzada e primeira produción, en particular, en tecnoloxías facilitadoras esenciais e difusión de tecnoloxías polivalentes», Obxectivo específico: 1.2.1 «Impulso e promoción de actividades de I+i lideradas por empresas, apoio á creación e consolidación de empresas innovadoras e apoio á compra pública innovadora» e actuación CPSO 1.2.1.6 «Proxectos de investigación, desenvolvemento e innovación centrados en tecnoloxías industriais innovadoras no marco da atracción do investimento privado para a posta en valor da I+D+i en Galicia».
Contra esta resolución, que non esgota a vía administrativa, poderán os interesados interpoñer recurso de alzada perante o presidente da Axencia Galega de Innovación no prazo dun mes, que comezará a contar a partir do día seguinte ao da publicación desta resolución no Diario Oficial de Galicia.
Santiago de Compostela, 9 de agosto de 2018
A directora da Axencia Galega de Innovación
P. A. (Resolución do 16.6.2014 da Presidencia
da Axencia; DOG núm. 127, do 7 de xullo)
Benito Fernández Rodríguez
Director da Área de Xestión
ANEXO
Expediente |
Título |
Acrónimo |
Valoración do proxecto |
NIF |
Beneficiario |
Líder |
Orzamento subvencionable |
% |
Subvención |
2018 |
2019 |
2020 |
IN854A 2018/01 |
Tecnoloxías dixitais para a industria madeireira do futuro |
Smart4Wood |
77 |
|||||||||
Participantes |
A15005499 |
Financiera |
4.601.229,77 € |
25 |
1.150.307,44 € |
4.166,70 € |
598.722,23 € |
547.418,51 € |
||||
IN854A 2018/03 |
Transformación integral Industria 4.0 do proceso produtivo da pizarra natural |
Cupa 4.0 |
68,9 |
4.260.574,92 € |
1.704.229,96 € |
16.666,66 € |
958.002,78 € |
729.560,52 € |
||||
Participantes |
||||||||||||
B32347759 |
Cupa Innovación, S.L.U. |
Si |
922.583,16 € |
40 |
369.033,26 € |
4.166,66 € |
198.670,76 € |
166.195,84 € |
||||
B32225419 |
Pizarras Valdacal, S.L. |
Non |
427.245,06 € |
40 |
170.898,02 € |
0,00 € |
101.906,49 € |
68.991,53 € |
||||
B32419764 |
Pizarras del Valle, S.L. |
Non |
428.042,85 € |
40 |
171.217,14 € |
0,00 € |
86.755,72 € |
84.461,42 € |
||||
B32230708 |
Cupa Ingeniería y Servicios |
Non |
1.125.874,40 € |
40 |
450.349,76 € |
0,00 € |
283.855,45 € |
166.494,31 € |
||||
A32225427 |
Cupa Pizarras, S.A.U. |
Non |
606.679,45 € |
40 |
242.671,78 € |
0,00 € |
142.254,20 € |
100.417,58 € |
||||
G36871424 |
Fundación CTAG |
Non |
750.150,00 € |
40 |
300.060,00 € |
12.500,00 € |
144.560,16 € |
142.999,84 € |
||||
IN854A 2018/02 |
Fábrica intelixente para produtos de interior no sector de automoción |
SmartFactoryAuto |
65,6 |
4.482.519,54 € |
1.793.007,81 € |
29.166,64 € |
937.980,45 € |
825.860,72 € |
||||
Participantes |
||||||||||||
B36360329 |
Centro Tecnológico del Grupo Copo, S.L.U. |
Si |
1.237.249,03 € |
40 |
494.899,61 € |
4.166,66 € |
241.803,20 € |
248.929,75 € |
||||
A36321883 |
Grupo Empresarial Copo, S.A. |
Non |
450.171,45 € |
40 |
180.068,58 € |
4.166,66 € |
85.772,13 € |
90.129,79 € |
||||
B36424869 |
Copo Galicia, S.L.U. |
Non |
1.140.712,68 € |
40 |
456.285,07 € |
4.166,66 € |
291.467,67 € |
160.650,74 € |
||||
A36121176 |
Componentes de Vehículos de Galicia, S.A. |
Non |
978.054,32 € |
40 |
391.221,73 € |
4.166,66 € |
196.657,31 € |
190.397,76 € |
||||
G36871424 |
Fundación CTAG |
Non |
676.332,06 € |
40 |
270.532,82 € |
12.500,00 € |
122.280,14 € |
135.752,68 € |