De conformidade coa disposición transitoria terceira da Lei 39/2015, do 1 de outubro, do procedemento administrativo común das administracións públicas, e en virtude do disposto nos artigos 59.5 e 61 da Lei 30/1992, do 26 de novembro, de réxime xurídico das administracións públicas e do procedemento administrativo común, notifícaselle á persoa interesada que a continuación se relaciona a resolución ditada pola xefa territorial no expediente administrativo instruído conforme o disposto nos artigos 175 e seguintes do Código Civil, artigos 27 e seguintes da Lei 2/2006, do 14 de xuño, de dereito civil de Galicia e demais normativa de aplicación, logo dos intentos de notificación realizados sen que fose posible practicar a dita notificación por causas non imputables á Administración ou por descoñecer o domicilio da interesada.
O expediente atópase a disposición da persoa interesada ou dos seus representantes, debidamente acreditados, no Servizo de Familia, Infancia e Dinamización Demográfica da Xefatura Territorial de Lugo da Consellería de Política Social, rolda da Muralla, número 70, planta baixa, onde, no prazo de dez (10) días contados desde o día seguinte á data de publicación deste anuncio no Boletín Oficial del Estado, poderán comparecer para coñecer o contido íntegro da resolución, de luns a venres laborables, das 9.00 ás 14.00 horas, advertíndolle que, de non facelo, se lle terá por notificada.
A persoa interesada ou os seus representantes, debidamente acreditados, poderán interpor recurso de alzada contra a resolución recaída no expediente, que non pon fin á vía administrativa, ante o conselleiro de Política Social, nun prazo de (1) mes contado desde o día seguinte á data da súa notificación, sen prexuízo de que a persoa interesada poida exercer, de ser o caso, calquera outro que considere procedente (artigos 48, 58, 107, 114 e 115 da Lei 30/1992).
Lugo, 4 de setembro de 2018
María Cristina Abades Martínez
Xefa territorial de Lugo
ANEXO
Nº de expediente: 2009/23/2.
Persoa interesada: Sira María Rodríguez Corredoira.
DNI: *****956D.
Asunto: Resolución do 19 de xaneiro de 2016.
Efectos: desistencia da solicitude e acordo de arquivamento.