Polas ordes do 16 de xullo de 2013, e do 18 de maio de 2015 (DOG núm. 140, do 24 de xullo, e núm. 95, do 22 de maio, respectivamente), convocáronse procesos selectivos para o ingreso no corpo de xestión de Administración xeral da Comunidade Autónoma de Galicia, subgrupo A2, escala técnica de finanzas.
Polas ordes do 19 de outubro de 2015 (DOG núm. 202, do 22 de outubro), e do 26 de xullo de 2017 (DOG núm. 145, do 1 de agosto), foron nomeadas persoal funcionario da dita escala e adxudicáronselles destinos provisionais ás persoas aspirantes que superaron os procesos selectivos convocados polas ordes do 16 de xullo de 2013, e do 18 de maio de 2015, respectivamente.
En atención a todo o exposto e segundo o disposto no Real decreto lexislativo 5/2015, do 30 de outubro, polo que se aproba o texto refundido da Lei do Estatuto básico do empregado público, e a Lei 2/2015, do 29 de abril, de emprego público de Galicia, e demais normativa concordante, esta consellería
DISPÓN:
Primeiro. Convocar o persoal funcionario que figura nas ordes do 19 de outubro de 2015, e do 26 de xullo de 2017, e que se atopa en destino provisional por novo ingreso, ao acto de elección de destino definitivo que terá lugar no salón de actos núm. 2 da Vicepresidencia e Consellería de Presidencia, Administracións Públicas e Xustiza (Edificio Administrativo San Caetano, s/n, Santiago de Compostela), o día 24 de outubro de 2018, ás 10.30 horas.
Segundo. O persoal funcionario convocado poderá elixir entre os postos que se relacionan no anexo desta orde segundo a orde acadada no respectivo proceso selectivo, sempre que reúnan as condicións exixidas nel.
O persoal funcionario nomeado pola Orde do 19 de outubro de 2015 terá preferencia sobre o nomeado pola Orde do 26 de xullo de 2017.
Terceiro. O persoal funcionario deberá ir provisto de DNI ou outro documento que acredite fidedignamente a súa identidade; no caso de non comparecer persoalmente, poderá ser representado por terceiras persoas con poder notarial suficiente.
Cuarto. As persoas que non comparezan persoalmente ou por medio de representantes seranlles adxudicadas en destino definitivo os postos que lles correspondan atendendo á orde de publicación destes e ao número obtido no proceso selectivo, unha vez concluído o proceso de adxudicación dos postos as persoas presentes ou representadas, entre os que quedasen sen adxudicar.
Quinto. O persoal funcionario poderá solicitar ser declarado en excedencia voluntaria por prestación de servizos no sector público ou por interese particular reguladas, respectivamente, nos artigos 174 e 173.3.d) da Lei 2/2015, do 29 de abril, de emprego público de Galicia.
Sexto. Contra esta orde, que pon fin á vía administrativa, poderase presentar recurso potestativo de reposición ante o conselleiro de Facenda no prazo dun mes contado desde o día seguinte ao da publicación desta orde no Diario Oficial de Galicia, ou directamente recurso contencioso-administrativo, no prazo de dous meses contados desde esa mesma data, ante a Sala do Contencioso-Administrativo do Tribunal Superior de Xustiza de Galicia, conforme o disposto na Lei 29/1998, do 13 de xullo, reguladora da xurisdición contencioso-administrativa.
Santiago de Compostela, 11 de outubro de 2018
Valeriano Martínez García
Conselleiro de Facenda
ANEXO
|
NÚM. |
CÓDIGO DO POSTO |
CONS. |
DENOMINACIÓN |
SUBGRUPO |
NIVEL |
CENTRO DIRECTIVO |
CENTRO DESTINO |
CONCELLO |
|
1 |
FCA200000215770003 |
FC |
XEFATURA DE EQUIPO |
A1/A2 |
25 |
AXENCIA TRIBUTARIA DE GALICIA |
ÁREA DE XESTIÓN TRIBUTARIA |
SANTIAGO DE COMPOSTELA |
|
2 |
FCA291000027001077 |
FC |
XEFATURA DE EQUIPO |
A1/A2 |
25 |
AXENCIA TRIBUTARIA DE GALICIA (SERVIZOS PERIFÉRICOS) |
DELEGACIÓN LUGO |
LUGO |
|
3 |
FCA291000027001078 |
FC |
XEFATURA DE EQUIPO |
A1/A2 |
25 |
AXENCIA TRIBUTARIA DE GALICIA (SERVIZOS PERIFÉRICOS) |
DELEGACIÓN LUGO |
LUGO |
|
4 |
FCA291000027001079 |
FC |
XEFATURA DE EQUIPO |
A1/A2 |
25 |
AXENCIA TRIBUTARIA DE GALICIA (SERVIZOS PERIFÉRICOS) |
DELEGACIÓN LUGO |
LUGO |
|
5 |
FCA291000036001110 |
FC |
XEFATURA DE EQUIPO |
A1/A2 |
25 |
AXENCIA TRIBUTARIA DE GALICIA (SERVIZOS PERIFÉRICOS) |
DELEGACIÓN PONTEVEDRA |
PONTEVEDRA |
|
6 |
FCC030000215770037 |
FC |
XEFATURA DE SECCIÓN |
A1/A2 |
25 |
INTERVENCIÓN XERAL DA COMUNIDADE AUTÓNOMA |
S. X. DE CONTABILIDADE |
SANTIAGO DE COMPOSTELA |
|
7 |
FCC030000415770026 |
FC |
TÉCNICO/A DE AUDITORÍA |
A1/A2 |
25 |
INTERVENCIÓN XERAL DA COMUNIDADE AUTÓNOMA |
S. X. DE CONTROL FINANCEIRO PERMANENTE E AUDITORÍA DO SECTOR PÚBLICO |
SANTIAGO DE COMPOSTELA |
|
8 |
FCC030001215770013 |
FC |
XEFATURA SECCIÓN |
A1/A2 |
25 |
INTERVENCIÓN XERAL DA COMUNIDADE AUTÓNOMA |
INTERVENCIÓN DELEGADA DA CONSELLERÍA DE FACENDA |
SANTIAGO DE COMPOSTELA |
|
9 |
FCC040000415770008 |
FC |
ANALISTA DE CUSTOS DE PERSOAL II |
A1/A2 |
25 |
DIRECCIÓN XERAL DE PLANIFICACIÓN E ORZAMENTOS |
S. X. DE CUSTOS DE PERSOAL |
SANTIAGO DE COMPOSTELA |
|
10 |
FCC050000615770003 |
FC |
XEFATURA SECCIÓN |
A1/A2/C1 |
25 |
DIRECCIÓN XERAL DE POLÍTICA FINANCEIRA, TESOURO E FONDOS EUROPEOS |
SUBDIRECCIÓN XERAL DE SEGUIMENTO E CONTROL DOS FONDOS COMUNITARIOS |
SANTIAGO DE COMPOSTELA |
