Descargar PDF Galego | Castellano| Português

DOG - Xunta de Galicia -

Diario Oficial de Galicia
DOG Núm. 212 Mércores, 7 de novembro de 2018 Páx. 48306

VI. Anuncios

a) Administración autonómica

Consellería de Facenda

RESOLUCIÓN do 31 de outubro de 2018, da Secretaría Xeral Técnica e do Patrimonio da Consellería de Facenda, pola que se anuncia a modificación da superficie mínima solicitada dentro do procedemento para a compra, por concurso, dun inmoble no concello de Cangas con destino a oficina de emprego.

Mediante Resolución do 9 de outubro de 2018 anunciouse no Diario Oficial de Galicia núm. 197, do 16 de outubro, e no diario Faro de Vigo do mesmo día, o procedemento para a compra pola Administración xeral da Comunidade Autónoma de Galicia dun inmoble, por concurso público, no concello de Cangas, con destino a oficina de emprego, dunha superficie mínima de 500 m2 construídos e máxima de 750 m2 construídos.

Advertido un erro na superficie mínima solicitada como consecuencia das exixencias previstas na Resolución do 25 de abril de 2017, do Servizo Público de Emprego Estatal, procede anunciar a modificación desta superficie mínima, que pasará a ser de 590 m2 construídos, e ampliación do prazo para a presentación de propostas durante un mes máis e modificación da data de apertura das ofertas.

Desta forma, o obxecto do contrato de compra será un local comercial en planta baixa ou planta baixa e primeira planta ou entreplanta, sempre que estean comunicadas interiormente, situado no núcleo urbano do concello de Cangas (Pontevedra), dunha superficie mínima de 590 m2 construídos e máxima de 750 m2 e coas demais características previstas no prego de condicións. Importe total: 420.000 €.

Presentación das ofertas:

Data límite de presentación: 7 de decembro de 2018.

Apertura das ofertas:

Data: 20 de decembro de 2018.

Hora: 10.00 horas.

Lugar: sala de xuntas do edificio administrativo da rúa Pastoriza, 8, de Santiago de Compostela.

Gastos do anuncio: serán por conta da Consellería de Facenda.

Santiago de Compostela, 31 de outubro de 2018

O conselleiro de Facenda
P.D. (Orde do 9.1.2012; DOG núm. 9, do 13 de xaneiro)
Mª del Socorro Martín Hierro
Secretaria xeral técnica e do Patrimonio da Consellería de Facenda