Como consecuencia da entrada en vigor da Lei 7/2012, do 28 de xuño, de montes de Galicia, e coa finalidade de levar a cabo o establecido na disposición transitoria décimo terceira con respecto á revisión de esbozos de montes veciñais en man común, o xurado, na reunión celebrada o 17 de setembro de 2012, acordou solicitar ao Servizo de Montes a realización de propostas de revisión e elaboración de cartografías actualizadas dos montes veciñais da provincia, susceptibles de tal adecuación.

En relación con isto, na sesión celebrada polo xurado provincial o día 8 de novembro de 2018 figuran os seguintes acordos:

Monte Corda de Neda (expediente 112/77), pertencente aos veciños da parroquia de Abeledo, do concello de Abadín. O día 10.5.2017, tivo entrada un escrito presentado por Ilda Portela González como representante da comunidade, no cal solicita que se proceda á revisión do esbozo conforme a documentación que achega. O 12.7.2018 presenta unha modificación á dita solicitude. O 27.8.2018, o Servizo de Montes elabora unha proposta dun novo esbozo (núm. 34/17) para o monte Corda de Neda. O monte queda cunha superficie de 442 hectáreas, de conformidade coa nova cartografía (e tendo en conta a avinza coa comunidade de Loboso presentada o 17.10.2017). Examinada a devandita proposta, o xurado, por unanimidade, acorda aceptala e proceder á oportuna incorporación do esbozo ao expediente, e constancia a nivel do Rexistro de Montes Veciñais en Man Común, de conformidade co dito.

Monte Sampaio (expediente 144/80), pertencente aos veciños da parroquia de San Fiz de Cangas, do concello de Pantón. O día 21.6.2017, tivo entrada un escrito presentado por Luís Rodríguez Blanco como representante da comunidade, no que solicita que se proceda á revisión do esbozo conforme a documentación que xunta. O 25.10.2017 presenta unha modificación á dita solicitude. O día 26.4.2018, o Servizo de Montes elabora unha proposta de novo esbozo (núm. 39/17) para o monte Sampaio, o cal queda cunha superficie de 240,04 hectáreas, de conformidade coa nova cartografía. Examinada a devandita proposta, o xurado, por unanimidade, acorda aceptala e proceder á oportuna incorporación do esbozo ao expediente, e constancia a nivel do Rexistro de Montes Veciñais en Man Común, de conformidade co dito.

Monte de Nodar (expediente 38/75), pertencente aos veciños da parroquia de Nodar, do concello de Friol. O día 31.5.2018, o Servizo de Montes elabora unha proposta de novo esbozo para o monte ao constatar un solapamento con zona de concentración parcelaria considerando a inexistencia dunha variación substancial da superficie do monte, e, ao mesmo tempo, unha superficie de 0,603 ha afectada polo deslindamento efectuado con particulares polo monte de Anafreita, lindante con este, e ao que se propón adaptar. Tendo en conta o anterior, o monte de Nodar queda cunha superficie de 838,684 hectáreas, de conformidade coa nova cartografía. Examinada a devandita proposta, o xurado, por unanimidade, acorda aceptala e proceder á oportuna incorporación do esbozo ao expediente, e constancia a nivel do Rexistro de Montes Veciñais en Man Común, de conformidade co dito.

Monte Caxigal (expediente 19/78), pertencente aos veciños da parroquia de Agustín, do concello de Castroverde. O día 11.7.2017, tivo entrada un escrito presentado por Manuel García González como representante da comunidade, no cal solicita que se proceda á revisión do esbozo conforme a documentación que xunta. O día 5.9.2018, o Servizo de Montes elabora unha proposta de novo esbozo (núm. 54/17) para o monte Caxigal, o cal queda cunha superficie de 33 hectáreas, de conformidade coa nova cartografía. Examinada a devandita proposta, o xurado, por unanimidade, acorda aceptala e proceder á oportuna incorporación do esbozo ao expediente, e constancia a nivel do Rexistro de Montes Veciñais en Man Común, de conformidade co dito.

Monte O Castelo, Chao de Lodeiro, Lagares, Ribeira e Rozas Vellas (expediente 53/78), pertencente aos veciños da parroquia de Burela, do concello de Burela. O día 6.3.2017, tivo entrada un escrito presentado por Ángel Rodríguez Martínez como representante da comunidade, no cal solicita que se proceda á revisión do esbozo conforme a documentación que xunta. O 29.8.2017 presenta unha emenda á dita solicitude. O día 14.6.2018, o Servizo de Montes elabora unha proposta de novo esbozo (núm.16/17) para o monte O Castelo, Chao de Lodeiro, Lagares, Ribeira e Rozas Vellas, quedando cunha superficie de 114 hectáreas, de conformidade coa nova cartografía. Examinada a devandita proposta, o xurado, por unanimidade, acorda aceptala e proceder á oportuna incorporación do esbozo ao expediente, e constancia a nivel do Rexistro de Montes Veciñais en Man Común, de conformidade co dito.

Monte Verducedo e Lomba (expediente 5/80), pertencente aos veciños da parroquia de Moscán, do concello do Páramo. O día 20.9.2017, tivo entrada un escrito presentado por María Teresa Gómez Arcos como representante da comunidade, no cal solicita que se proceda á revisión do esbozo conforme a documentación que xunta. O 10.9.2018 presenta unha emenda á dita solicitude. O día 18.9.2018, o Servizo de Montes elabora unha proposta de novo esbozo (núm. 64/17) para o monte Verducedo e Lomba. Este queda cunha superficie de 91,75 hectáreas, de conformidade coa nova cartografía. Examinada a devandita proposta, o xurado, por unanimidade, acorda aceptala e proceder á oportuna incorporación do esbozo ao expediente, e constancia a nivel do Rexistro de Montes Veciñais en Man Común, de conformidade co dito.

Monte Artoxos e Pedrizas (expediente 118/77), pertencente aos veciños da parroquia de Fanoi, do concello de Abadín. O día 24.5.2018, o Servizo de Infraestruturas Agrarias remite ao Servizo de Montes unha nota interior poñendo en coñecemento deste que, a través do proceso de concentración parcelaria que se está a desenvolver en Fanoi, existen dúas parcelas que pertencen ao monte veciñal en man común de Artoxos e Pedrizas, e solicitan que se integren neste. O 5.10.2018, tivo rexistro de entrada un escrito do presidente e da secretaria da comunidade solicitando a incorporación ao monte das dúas parcelas. O día 10.10.2018, o Servizo de Montes elabora unha proposta de novo esbozo (núm. 48/18) para o monte e, tendo en conta o anterior, o monte Artoxos e Pedrizas queda cunha superficie de 319,15 hectáreas, de conformidade coa nova cartografía. Examinada a devandita proposta, o xurado, por unanimidade, acorda aceptala e proceder á oportuna incorporación do esbozo ao expediente, e constancia a nivel do Rexistro de Montes Veciñais en Man Común, de conformidade co dito.

Monte Portela e Toxoso (expediente 116/77), pertencente aos veciños da parroquia de Castromaior, do concello de Abadín. O día 23.11.2017, tivo rexistro de entrada un escrito do presidente da comunidade no cal solicita que se proceda á revisión do esbozo conforme a documentación que xunta. O 22.10.2018, o Servizo de Montes elabora unha proposta de novo esbozo (núm. 79/17) para o monte e, tendo en conta o anterior, o monte Portela e Toxoso queda cunha superficie de 496,59 hectáreas, de conformidade coa nova cartografía. Examinada a devandita proposta, o xurado, por unanimidade, acorda aceptala e proceder á oportuna incorporación do esbozo ao expediente, e constancia a nivel do Rexistro de Montes Veciñais en Man Común, de conformidade co dito.

Monte Rancaño, Fraga, San Xoán, Chaira, Serra Moura e Ana Díaz (expediente 68/76), pertencente aos veciños da parroquia de Vilamarín, do concello de Monforte de Lemos. O día 18.12.2017, tivo rexistro de entrada un escrito do presidente da comunidade no cal solicita que se proceda á revisión do esbozo conforme a documentación que achega. O 31.10.2018, o Servizo de Montes elabora unha proposta de novo esbozo (núm. 90/17) para o monte e, tendo en conta o anterior, o monte Rancaño, Fraga, San Xoán, Chaira, Serra Moura e Ana Díaz queda cunha superficie de 1095,22 hectáreas, de conformidade coa nova cartografía. Examinada a devandita proposta, o xurado, por unanimidade, acorda aceptala e proceder á oportuna incorporación do esbozo ao expediente, e constancia a nivel do Rexistro de Montes Veciñais en Man Común, de conformidade co dito.

Contra estes acordos, desde o día seguinte ao da súa publicación no Diario Oficial de Galicia, poderá interpoñerse recurso potestativo de reposición ante o Xurado Provincial de Montes Veciñais en Man Común de Lugo no prazo dun mes, ou ben directamente recurso contencioso-administrativo ante o Xulgado do Contencioso-Administrativo de Lugo no prazo de dous meses, de acordo co disposto nos artigos 123 e 124 da Lei 39/2015, do 1 de outubro, do procedemento administrativo común das administracións públicas, e co artigo 46 da Lei 29/1998, do 13 de xullo, da xurisdición contencioso-administrativa.

Lugo, 23 de novembro de 2018

María Olga Iglesias Fontal
Presidenta do Xurado Provincial de Clasificación
de Montes Veciñais en Man Común de Lugo