Eu, Marina Pilar García de Evan, letrada da Administración de xustiza do Xulgado do Social número 2 de Santiago de Compostela, fago saber que no procedemento de execución de títulos non xudiciais 182/2018 deste xulgado do social, seguido por instancia de Manuel García Gómez, Jesús Lata Neira e Clemente Cea Gosende contra a empresa Slate & Stone Galicia, S.L., sobre ordinario, se ditou a seguinte resolución cuxa parte dispositiva se xunta:

«Parte dispositiva

Dispoño despachar orde xeral de execución a favor da parte executante, Manuel García Gómez, Jesús Lata Neira e Clemente Cea Gosende, contra Slate & Stone Galicia, S.L., parte executada, por importe de 23.309,67 euros en concepto de principal (desagregada da seguinte maneira: a Manuel García Gómez a cantidade de 8.662,35 euros; a Jesús Lata Neira a cantidade de 9.273,92 euros e a Clemente Cea Gosende a cantidade de 5.373,40 euros) máis outros 2.330,97 euros que se fixan provisionalmente en concepto de xuros que, de ser o caso, se poidan devindicar durante a execución e as custas desta, sen prexuízo da súa posterior liquidación.

Este auto, xunto co decreto que ditará a letrada da Administración de xustiza, e copia da demanda executiva serán notificados simultaneamente á parte executada, tal e como dispón o artigo 553 da Lei de axuizamento civil (LAC), e aos representantes dos traballadores da empresa debedora de conformidade co ordenado polo artigo 252 da Lei reguladora da xurisdición social (LXS).

Contra este auto poderase interpor recurso de reposición, ante este órgano xudicial, no prazo dos tres días hábiles seguintes ao da súa notificación, no cal, ademais de alegar as posibles infraccións en que podería incorrer a resolución e o cumprimento ou incumprimento dos presupostos e requisitos procesuais exixidos, se poderá deducir a oposición á execución despachada, aducindo pagamento ou cumprimento documentalmente xustificado, prescrición da acción executiva ou outros feitos impeditivos, extintivos ou excluíntes da responsabilidade que se pretenda executar, sempre que acaecesen con posterioridade á súa constitución do título. A compensación de débedas non será admisible como causa de oposición á execución.

Se o recorrente no ten a condición de traballador ou beneficiario do réxime público da Seguridade Social, deberá consignar a cantidade de 25 euros, en concepto de depósito para interpor recurso, na conta de consignacións deste xulgado.

Así o acorda e asina SSª. Dou fe.

A maxistrada A letrada da Administración de xustiza»

Para que sirva de notificación en legal forma a Slate & Stone Galicia, S.L., en ignorado paradoiro, expido este edicto para a súa inserción no Diario Oficial de Galicia.

Advírteselle á destinataria que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo no suposto da comunicación das resolucións que deban revestir forma de auto ou sentenza, ou cando se trate de emprazamento.

Santiago de Compostela, 29 de novembro de 2018

A letrada da Administración de xustiza