A base décima da Resolución da Dirección Xeral de Recursos Humanos do 22 de decembro de 2016 (Diario Oficial de Galicia núm. 6, do 10 de xaneiro de 2017) pola que se convoca concurso-oposición para o ingreso na categoría de técnico/a superior en prevención de riscos laborais do Servizo Galego de Saúde, establece que, unha vez adxudicados os destinos, se publicará no Diario Oficial de Galicia a resolución pola que se declare finalizado o proceso selectivo, co nomeamento como persoal estatutario fixo do Servizo Galego de Saúde e asignación de destino a aqueles/as aspirantes seleccionados/as que acrediten o cumprimento dos requisitos exixidos.

De conformidade coa antedita base e co artigo 4 da Orde do 5 de xullo de 2012, sobre delegación de competencias en órganos centrais e periféricos do Servizo Galego de Saúde (Diario Oficial de Galicia núm. 139, do 20 de xullo), esta dirección xeral, como órgano convocante do proceso,

RESOLVE:

Primeiro. Declarar finalizado o concurso-oposición para o ingreso na categoría de técnico/a superior en prevención de riscos laborais, convocado pola Resolución da Dirección Xeral de Recursos Humanos do 22 de decembro de 2016 (Diario Oficial de Galicia núm. 6, do 10 de xaneiro de 2017).

Segundo. Nomear como persoal estatutario fixo do Servizo Galego de Saúde, na categoría de técnico/a superior en prevención de riscos laborais, os/as aspirantes seleccionados/as que se inclúen no anexo desta resolución.

Terceiro. Adxudicarlles aos/ás ditos/as aspirantes, con carácter de destino definitivo, a praza correspondente que figura no indicado anexo.

Cuarto. Os/as aspirantes nomeados/as disporán do prazo dun mes, contado desde o día seguinte ao da publicación desta resolución no Diario Oficial de Galicia, para incorporarse á praza adxudicada.

De conformidade coa base décima da resolución de convocatoria do proceso, a toma de posesión da praza efectuarase no centro de xestión a que pertenza esta. A falta de incorporación no prazo referido, cando sexa imputable ao/á interesado/a e non responda a causas xustificadas, producirá o decaemento do seu dereito a obter a condición de persoal estatutario fixo como consecuencia do concreto proceso selectivo. No entanto, en casos de forza maior e por instancia do/da interesado/a, a Dirección Xeral de Recursos Humanos do Servizo Galego de Saúde poderá prorrogar o prazo de toma de posesión.

Quinto. Contra esta resolución, que pon fin á vía administrativa, poderase interpor recurso potestativo de reposición ante esta dirección, no prazo dun mes contado desde o día seguinte ao da súa publicación no Diario Oficial de Galicia, de conformidade co establecido nos artigos 123 e 124 da Lei 39/2015, do 1 de outubro, do procedemento administrativo común das administracións públicas ou poderase impugnar directamente na xurisdición contencioso-administrativa nos termos da Lei 29/1998, do 13 de xullo.

Santiago de Compostela, 2 de xaneiro de 2019

Margarita Prado Vaamonde
Directora xeral de Recursos Humanos

ANEXO

Relación definitiva de adxudicatarios/as e destinos

DNI	Apelidos e nome	Destino adxudicado			Localidade
Persoal técnico superior en prevención de riscos laborais
*117G	Besteiro Eguia, Ana	74813220	EOXI de Santiago de Compostela	EOXI de Santiago de Compostela	Santiago de Compostela
*235X	Cores Calvo, Juan	74813220	EOXI de Santiago de Compostela	EOXI de Santiago de Compostela	Santiago de Compostela
*862D	Cuevas Raposo, Alejandro	74913220	EOXI de Vigo	EOXI de Vigo	Vigo
*861P	Cuevas Raposo, José	74913220	EOXI de Vigo	EOXI de Vigo	Vigo
*212P	Dosil Caamaño, Alicia	74813220	EOXI de Santiago de Compostela	EOXI Santiago de Compostela	Santiago de Compostela
*655D	Fernández García, José Luis	271613220	EOXI de Lugo, Cervo e Monforte de Lemos	Hospital da Costa	Burela
*658P	Fernández Teijeiro, Marta	320413220	EOXI de Ourense, Verín e O Barco de Valdeorras	Hospital de Valdeorras	Barco de Valdeorras, O
*528P	Folgar Galán, Carmen Elvira	74513220	EOXI de Lugo, Cervo e Monforte de Lemos	EOXI de Lugo, Cervo e Monforte de Lemos	Lugo
*021R	Godoy Trillo, José Rogelio	74413220	EOXI de Ferrol	EOXI de Ferrol	Ferrol
*373N	González Iglesias, Marta Clara	74813220	EOXI de Santiago de Compostela	EOXI de Santiago de Compostela	Santiago de Compostela
*337B	González Nores, María	271713220	EOXI de Lugo, Cervo e Monforte de Lemos	Hospital de Monforte	Monforte de Lemos
*592Y	Lago Taboada, María Dolores	74713220	EOXI de Pontevedra e O Salnés	EOXI de Pontevedra e O Salnés	Pontevedra
*016H	Martín Lancharro, Pablo	74313220	EOXI da Coruña	EOXI da Coruña	Coruña, A
*263S	Miraz Novas, Carolina	74313220	EOXI da Coruña	EOXI da Coruña	Coruña, A
*615E	Muñiz Saborido, José Ramón	159913220	EOXI de Santiago de Compostela	Hospital da Barbanza	Ribeira
*095F	Pallares Martínez, Eliseo	74513220	EOXI de Lugo, Cervo e Monforte de Lemos	EOXI de Lugo, Cervo e Monforte de Lemos	Lugo
*980T	Pérez Albarellos, Luis Alberto	74713220	EOXI de Pontevedra e O Salnés	EOXI de Pontevedra e O Salnés	Pontevedra
*998J	Robla Santos, Diana	74413220	EOXI de Ferrol	EOXI de Ferrol	Ferrol
*741L	Sáez Taboada, Carlos Alberto	74413220	EOXI de Ferrol	EOXI de Ferrol	Ferrol
*195G	Seoane Rosende, Juan Antonio	74313220	EOXI da Coruña	EOXI da Coruña	Coruña, A
*662V	Vilariño Varela, José Antonio	74913220	EOXI de Vigo	EOXI de Vigo	Vigo

* O número do DNI dos/das profesionais relacionados/as amósase cifrado en protección dos datos de carácter persoal.